«2020թ-ի բյուջեի նախագծում տնտեսական աճի ցուցանիշների հարցում պահպանողական մոտեցում կա, որը մեր ամբիցիանների ֆոնին մի փոքր ավելի ցածր են»,- այսօր խորհրդարանում մեկնարկած 2020 թվականի բյուջեի նախագիծը ներկայացնելիս`հայտարարեց վարչապետ Նիկոլ Փաշինյանը` հավելելով. «Բյուջեի հիմքում դնում ենք ոչ թե ամենալավատեսական կանխատեսումը, այլ որոշակի պահպանողական կանխատեսում` ապահովելու համար մակրոտնտեսական կայունությունը»:
Նա այս քաղաքականությունը բացատրեց ռուսական ասացվածքով` Надейся на лучшее, готовься к худшему:
Նա հիշեցրեց, որ 2018-ին կանխատեսել էին 4,5 տոկոս տնտեսական աճ, մինչդեռ 5,2 տոկոս են ապահովել: Վարչապետի համար, գրեթե ակնհայտ է, որ 2019-ի 7%-ին մոտ տնտեսական աճ ենք ունենալու, բայց ԿԲ-ն 6,9 է գնահատել:
Կարդացեք նաև
Միջազգային կառույցներն էլ իրենց նախկին կանխատեսումները վերանայել են` ավելի բարձր աճի տոկոս են կանխատեսում:
Հայաստանի տնտեսությունն, ըստ վարչապետի, լավ տրամադրություններ ունի: Նկատի ունի`զարգացման դրական դինամիկա:
Այլ մանրամասները` տեսանյութում
Նելլի ԳՐԻԳՈՐՅԱՆ
