Հոկտեմբերի 25-ին Երևանում կմեկնարկի Ջազ Ֆեստ 2019-ն: Ֆեստի բացումն այս տարի կտրվի «Գրեմմիի» քառակի դափնեկիր, կոմպոզիտոր, պրոդյուսեր, դիրիժոր, բաս կիթառահար Սթենլի Քլարքի ջազ-ռոք համերգով։
«Ջազը ծնունդ է առել ԱՄՆ-ում, սկսվել է այն բլյուզից, բլյուզից էլ առաջ եկել է այն ստրկությունից։ Այդուհանդերձ այնտեղից սկիզբ առնելով այն բարձունքից բարձունք է հասել»,- նշեց Սթենլի Քլարքը լրագրողների հետ զրույցում:
Նա հավելեց. «Մենք անչափ ուրախ ենք, որ զանազան ազգություններ կատարում են երաժշտություն և այն անվանում են «ամերիկյան ջազ»: Մեզ համար դա շատ շոյող է վերջի վերջո ջազը մեկ ազգի երաժշտություն չէ»:
Լրագրողներից մեկն ասաց. «Մի ամսագրի հարցազրույց տալիս նշել եք. «Երբ երաժիշտները ջազում սինխրոն երաժշտություն են կատարում մեկը մյուսի հետ անչափ ներդաշնակ լինելով դա շատ ավելի մեծ բավականություն է պատճառում, քան սեռական հարաբերությունները»:
Արդյո՞ք հիմա նույն կերպ եք կարծում»:
Ջազմենը դժվարությամբ հիշեց իր ասածը նշելով, որ այնքան բաներ է ասել, որ անհնար է բոլորը հիշել, բայց կարծում է, որ դա այդպես է:
Սոնա Քաբաբյան
