ՌԴ Արդյունաբերության և առևտրի նախարարությունը Հայաստանին ուղղված նամակ է պատրաստել՝ զենքի տենդերի չեղարկման պատճառով, որին մասնակցել է ռուսական ORSIS ընկերությունը: Ինչպես հաղորդում է RBК գործակալությունը՝ վկայակոչելով ՌԴ ԱԳՆ-ի իր աղբյուրին, ռուսական ընկերության մասնակցությամբ զենքի տենդերի չեղարկման ֆոնին Մոսկվան Երևանին ոչ թե բողոքի նոտա կուղարկի, ինչպես ավելի վաղ հաղորդել էին ռուսական լրատվամիջոցները, այլ նամակ:
Գործակալության զրուցակցի խոսքով՝ նամակն արդեն փոխանցվել է ՌԴ Արտաքին գործերի նախարարությանը, իսկ առաջիկայում կուղարկվի հայկական կողմին՝ դիվանագիտական ալիքներով:
Աղբյուրը նաև շեշտել է, որ հայկական կողմին նոտա ուղարկելու մասին տեղեկություններն իրականությանը չեն համապատասխանում:
Պատրաստեց՝ Վիկտորյա ԱՆԴՐԵԱՍՅԱՆԸ
