Վարչապետի մամլո խոսնակ Վլադիմիր Կարապետյանից, որն այսօր Նիկոլ Փաշինյանի հետ մասնակցում էր Բարձրավոլտ էլեկտրական ցանցեր ընկերության «Հաղթանակ» ենթակայանի բացման արարողությանը, լրագրողները հետաքրքրվեցին՝ ինչո՞ւ հրաժարական տվեց:
Հովհաննես Քոչարյանը, որը մեկուկես տարի զբաղեցրեց փոխոստիկանապետի պաշտոնը:
Հիշեցնենք, որ Հովհաննես Քոչարյանը մինչ այս, հայտարարել էր՝ համաձայն չէ, որ ոստիկանական համակարգը գլխավորի քաղաքացիական անձ:
«Էդ հայտարարությունից հետո գրել է դիմում, խնդրել է իրեն ազատել, ինչը եւ արվել է: Իրեն կարող եք դիմել այդ հարցով, պարզապես ինքը գրել է դիմում ու դրա հիման վրա որոշումը կայացվել է, ներկայացնել նախագահին գրություն՝ ազատման վերաբերյալ»,- ասաց Վլադիմիր Կարապետյանը՝ ավելացնելով, թե պատճառը ինքը չի ճշտել Քոչարյանից:
Կարդացեք նաև
Հարցին՝ հնարավո՞ր է վարչապետը նրա այդ հայտարարության համար նկատողություն է արել՝ խոսնակը պատասխանեց. «Իր այդ հայտարարությանը անմիջապես հետեւել է հրաժարականի դիմումը։ Նրա հետ խոսակցություն չի եղել»:
Լուսինե ԲՈՒԴԱՂՅԱՆ
