ՊԵԿ քննչական վարչությունը քննչական կոմիտեի կազմ տեղափոխելու կառավարության նախաձեռնությամբ ՊԵԿ նախագահը որոշակի մտահոգություններ ունի: Այս մասին այսօր կառավարության նիստից հետո լրագրողների հետ ճեպազրույցում ասաց պետական կեկամուտների կոմիտեի նախագահ Դավիթ Անանյանը: Նա ասաց, որ այդ գործընթացի հետ ՊԵԿ-ը համաձայն չէ։
Անանյանը վստահեցրեց՝ հնարավորություն չի ունեցել արտահայտել իր կարծիքը, քանի որ վերջին պահերին է այդ որոշումը կայացվել։
ՊԵԿ նախագահը հստակեցրեց՝ դա ռազմավարությամբ նախատեսված մտադրություն է, որը պետք է 3 տարվա ընթացքում իրականացվի. «Ինքնանպատակ չէ, որ քննչական վարչությունն անպայման լինի ՊԵԿ-ի կազմում։ Մենք պետք է մի քանի գնահատական տանք՝ ՊԵԿ-ն իրավապահ մարմի՞ն է, արդյոք ՊԵԿ-ին քննչական գործառույթներ պե՞տք են, թե՞ պետք չեն։ Իմ կարծիքով՝ պետք են, բայց եթե 3 տարվա ընթացքում այնպիսի ռազմավարություն մշակենք, որ արդյունավետության առումով լավ, ճիշտ որոշումներ կայացնենք, օրինակ՝ քննիչներին տան այնպիսի լիազորություններ, որ այսօր մեր քննիչներն ունեն, կարող ենք նաեւ այլ իրավիճակ ունենալ։ Բայց այս պահին ես ունեմ մտահոգություններ»:
Անանյանը նշեց. «ՊԵԿ-ում կան քննիչներ, որոնք մաքսային եւ հարկային ծառայողներ են եւ ունեն ՊԵԿ տեղեկատվությանը հասանելիություն ունեն, եւ եթե այս համագործակցությունը հնարավոր լինի ապահովել հետագայում՝ արդեն քննչական կոմիտեի կազմում…»:
Կարդացեք նաև
Մանրամասն՝ տեսանյութում
Նելլի ԲԱԲԱՅԱՆ
