Մոսկվան բողոքի նոտա կհղի Երևանին՝ կապված զենքի տենդերի չեղարկման հետ, որին մասնակցել է ORSIS ռուսական ընկերությունը: Այս մասին հաղորդում է «ՌԻԱ Նովոստի» գործակալությունը՝ հղում անելով փաստաթղթի տեքստի պատճենին:
Տեղեկատվության համաձայն՝ բողոքի նոտան արդեն գտնվում է Ռուսաստանի ԱԳՆ-ում և առաջիկայում դիվանագիտական ալիքներով կփոխանցվի հայկական կողմին:
2019թ. հոկտեմբերի 22-ին Ռուսաստանի արդյունաբերության և առևտրի փոխնախարար Օլեգ Ռյազանցևի կողմից ստորագրված և ՀՀ պաշտպանության նախարար Դավիթ Տոնոյանին հասցեագրված նոտայում ասվում է, որ տվյալ տենդերում ORSIS ընկերության մասնակցության հայտը մերժվել է՝ «առանց որևէ հիմքի», իսկ ընկերությունը ներառվել է ՀՀ զինված ուժերի «ոչ բարեխիղճ մատակարարների» ցանկում: Նշվում է նաև, որ Հայաստանի Պաշտպանության նախարարությունը «դիմել է բանկ՝ պահանջելով տենդերի մասնակցության բանկային երաշխիք», թեպետ ըստ օրենքի ընկերությունը պետք է նման փոխհատուցում վճարեր, եթե շահեր տենդերը:
Նշենք, որ 2019 թվականի օգոստոսին ORSIS ընկերությունը հայտարարել էր, որ մի քանի միլիոն դոլարի զենքի մատակարարման մրցույթի տապալումից հետո Հայաստանում հարուցվել է քրեական գործ:
Կարդացեք նաև
Պատրաստեց՝ Վիկտորյա ԱՆԴՐԵԱՍՅԱՆԸ
