«Դա եղել է հանձնարարականի տեսքով»,-լրագրողների հետ զրույցում այսօր անդրադառնալով փաստին, որ վարչապետի գաղտնի հանձնարարականով նախարարների աշխատավարձը բարձրացվել է եւ դարձել 1,5 միլիոն դրամ, ասաց Աշխատանքի եւ սոցիալական հարցերի նախարար Զարուհի Բաթոյանը:
Իսկ թե ինչու է գործընթացը գաղտնի եղել, Զարուհի Բաթոյանը նշեց, որ հարցին պետք է Նիկոլ Փաշինյանը պատասխանի: «Դա գործընթաց է, ընթացակարգային խնդիր է, որ գաղտնի գրությամբ է հանձնարարականն իրականացվել»,-ասաց նա:
https://www.facebook.com/aravot.am/videos/395699611341523/
Զարուհի Բաթոյանը տեղեկացրեց, որ դեռեւս ապրիլից է իր աշխատավարձը դարձել 1,5 միլիոն դրամ:
Կարդացեք նաև
Զարուհի Բաթոյանը լրագրողների հարցմանն ի պատասխան հաստատեց՝ աշխատավարձի բարձրացումը պայմանավորված է նաեւ այն փաստով, որպեսզի լավագույն կադրերի՝ դեպի մասնավոր հատված արտահոսք չլինի:
Լուիզա ՍՈՒՔԻԱՍՅԱՆ
