Հոկտեմբերի 18-ին՝ «Սինոփսիսի» համաշխարհային կամավորության օրվա առթիվ, Թալինի Սուրբ Կաթողիկե խոնարհված եկեղեցու շրջակայքում մաքրման աշխատանքներ կատարվեցին։
Միջոցառումն իրականացվեց Կրթության, գիտության, մշակույթի և սպորտի նախարարության «Ստեղծարար համայնքներ» նախաձեռնության հովանու ներքո՝ «Սինոփսիս Արմենիա»-ի և Հայ Եկեղեցու Համաշխարհային Երիտասարդական Միավորման (ՀԵՀԵՄ) Կենտրոնական գրասենյակի աշխատակիցների ու կամավորների ջանքերով, Թանգարանների աշխատողների և բարեկամների ասոցիացիայի ու «Հայաստան ծառատունկ» ծրագրի անմիջական աջակցությամբ։
Հոկտեմբերի 18-ին՝ «Սինոփսիսի» համաշխարհային կամավորության օրվա առթիվ, Թալինի Սուրբ Կաթողիկե խոնարհված եկեղեցու շրջակայքում մաքրման աշխատանքներ կատարվեցին։
Միջոցառումն իրականացվեց Կրթության, գիտության, մշակույթի և սպորտի նախարարության «Ստեղծարար համայնքներ» նախաձեռնության հետ համագործակցությամբ՝ «Սինոփսիս Արմենիա»-ի և Հայ Եկեղեցու Համաշխարհային Երիտասարդական Միավորման (ՀԵՀԵՄ) Կենտրոնական գրասենյակի աշխատակիցների ու կամավորների ջանքերով, Թանգարանների աշխատողների և բարեկամների ասոցիացիայի ու «Հայաստան ծառատունկ» ծրագրի անմիջական աջակցությամբ։
Միջոցառումը, որն անց կացվեց արդեն ավանդական դարձած Սինոփսիս ընկերության Կամավորության համաշխարհային օրվա շրջանակներում, Սինոփսիս Արմենիայի աշխատակիցներին և հյուրերին հիանալի հնարավորություն ընձեռեց նվիրել իրենց ժամանակն ու հոգատարությունը` Հայաստանի միջնադարյան ճարտարապետական հրաշքներից մեկի` Թալին Կաթողիկե տաճարի շրջակա տարածքի մաքրման համար։
Կարդացեք նաև
Այս կամավորական միջոցառման նպատակն էր.
- Մշակութային ժառանգության վերաբերյալ իրազեկվածության բարձրացումը և պահպանության գործընթացում համայնքի ներգրավվածության խթանումը
- Պատասխանատու համայնքների ներգրավումը և կամավորական ոգու զարգացումը
- Գործընկերության մշակույթի խթանումն ու զարգացումը:
«Բիզնեսի, կառավարության և եկեղեցու այս եռակողմ համագործակցությունը նպատակամղված է բարձրացնելու համայնքային պատասխանատվությունը և զարգացնելու կամավորության ոգին՝ համագործակցության մշակույթը զարգացնելով,- ասաց «Սինոփսիս Արմենիա» ընկերության նախագահ Երվանդ Զորյանը:- Եկեղեցին հանդիսանում է բարոյական և հոգևոր արժեքների մշտական աղբյուրը տեխնոլոգիական և ինժեներական աշխատանք կատարող հանրույթի համար և ազգային ինքնության պահպանման գործում»:
ՀԵՀԵՄ հոգևոր տեսուչ Թովմա վարդապետ Խաչատրյանը իր գնահատանքը հայտնեց «Սինոփսիսի» համաշխարհային կամավորության օրը Թալինի Սուրբ Կաթողիկե եկեղեցուն նվիրելը և «Սինոփսիսի» կողմից ՀԵՀԵՄ-ին ուղղված հրավերը։
«Եթե կամավորություն ես անում, ապա երիտասարդ ես: Կամավորությունը յուրահատուկ տասանորդ է մարդկության համար: Կամավոր աշխատանքի կարևորությունը մեծանում է, երբ այդ ջանքերը ուղղված են ազգային-հոգևոր արժեքների պահպանմանն ու գործածմանը,- նշեց Հայր Թովման։ -Եկեղեցական համալիրները, վանքերը մեր մշակույթի, ինքնության անբաժան մասն են: Հայ ժողովուրդը դարեր շարունակ պայքարել է ոչ միայն իր ինքնության, հայրենիքի, պատմության, մշակույթի և կրոնի, այլ նաև յուրաքանչյուր վանքի, եկեղեցու, խաչքարի համար՝ դրանք համարելով իր ազգային ինքնության մի մասնիկը: Շատ վանքեր և եկեղեցիներ այսօր գտնվում են ավերման, ինքնաոչնչացման եզրին, ինչը մարտահրավեր է, բայց նաև կամավորական կյանքի զարգացման հնարավորություն՝ մեր հայրենիքում: Մեր հայրերը արյան գնով այս ժառանգությունը ստեղծել, պահել, պահպանել և փոխանցել են մեզ, որպեսզի մենք այսօր ևս տեր և պաշտպան լինենք այդ սրբություններին և դրանց առջև մեր աղոթքն առ Աստված բարձրացնենք»:
««Կառավարություն-գիտական հաստատություն-ՀԿ-տեղական մարմին-համայնքի բնակչություն» շղթայի անխափան և փոխլրացնող աշխատանքի ապահովումը երաշխիքն է մշակութային կյանքի վերակազմակերպման և զարգացման» – նշեց ԿԳՄՍ փոխնախարար Նարինե Թուխիկյանը:
Մամուլի հաղորդագրություն
