Ինչպես տեղեկացրել էր shamshyan.com-ը, հոկտեմբերի 20-ին, ժամը 04․00-ի սահմաններում երկու դիմակավորված անձինք հարմարեցրած բանալիով բացել էին Գյումրու Կամո փողոցի վրա գտնվող շենքերից մեկում բնակվող 70-ամյա Սուսաննա Բ․-ի բնակարանի մուտքը, ծեծի ենթարկել կնոջը, հափշտակել ոսկյա մատանիներ ու գումար եւ դիմել էին փախուստի։
Կնոջը տեղափոխել էին Գյումրի բժշկական կենտրոն։
Բժշկական կենտրոնի փոխտնօրեն Արմեն Խաչատրյանը Aravot.am-ին տեղեկացրեց, որ կնոջ մոտ եղել է մարմնի տարբեր մասերի հյուսվածքների սալջարդ, նա, սակայն չի հոսպիտալացվել, բժշկական օգնություն ստանալուց հետո դուրս է գրվել։
Կինը բնակվում է միայնակ, նրա հարազատներն ապրում են արտերկրում։
Կարդացեք նաև
Շիրակի դատախազ Կարեն Գաբրիելյանն էլ մեզ տեղեկացրեց, որ հարուցվել է քրեական գործ ՝ ՀՀ Քրեական օրենսգրքի 175 հոդվածի 2-րդ մասի հատկանիշներով, այս պահին քրեական գործով որպես կասկածյալ ներգրավված անձինք չկան, սակայն օպերատիվ մարմիների տեսադաշտում կան անձինք։
«Կատարվել են բազմաթիվ գործողություններ գործի հանգամանքները պարզելու, նշված հանցանքը կատարած անձանց հայտնաբերելու ուղղությամբ»,- ասաց դատախազը։
Նունե ԱՐԵՎՇԱՏՅԱՆ
Լուսանկարը՝ Police. am կայքի
