«Դեռեւս առկա են այն բոլոր մտահոգությունները, որոնք կային մեր նախագծում։ Իմ կարծիքով՝ այդ որոշմամբ ՍԴ-ն ԱԺ-ի հանդեպ դրսևորվել է անհարգալից վերաբերմունք: Դա, իհարկե, անարձագանք չի մնա»,-լրագրողների հետ զրույցում այսօր անդրադառնալով ՍԴ նախագահ Հրայր Թովմասյանի լիազորությունները դադարեցնելու վերաբերյալ ԱԺ դիմումի՝ ՍԴ-ի կողմից վարույթ ընդունելը մերժելուն, ասաց ԱԺ «Իմ քայլը» խմբակցության ղեկավար Լիլիթ Մակունցը:
Թե ինչպես են հասնելու իրավական ճանապարհով Հրայր Թովմասյանի լիազորությունների դադարեցմանը, Լիլիթ Մակունցը նշեց, որ կիրառելու են դատաիրավական համակարգի բարեփոխումների իրենց տեսլականը՝ մի շարք օրինագծերի միջոցով:
«ՍԴ-ն խորացրել է վստահության ճգնաժամը, որը կա իր հանդեպ: Մենք խնդիր չէինք դրել լուծելու ՍԴ-ի ճգնաժամը։ Մենք շարունակելու ենք մեր պլանով, որն Արդարադատության նախարարության մշակած ռազմավարական փաթեթն է»,-եզրափակեց Լիլիթ Մակունցը:
https://www.facebook.com/aravot.am/videos/2352611811734098/
Կարդացեք նաև
Լուիզա ՍՈՒՔԻԱՍՅԱՆ
