«Ճնշվա՞ծ՝ ոչ, ինձ ճնշված չեմ զգում»,- քիչ առաջ ԱԱԾ շենքի առաջ լրագրողների հետ զրույցում հայտարարեց Հրայր Թովմասյանի դուստրը:
Նա նշեց, որ իրենք չեն ապրում պապիկի հետ՝ այն տանը, որտեղ երեկ այցելել էր ԱԱԾ-ն: Հայտնեց, որ չգիտի, թե կոնկրետ ինչի՞ համար են իրեն հրավիրել ԱԱԾ և մանրամասնեց. «Ծանուցագիր եմ ստացել. նշված չէ՝ ինչի համար են կանչել, որևէ պարզաբանում չեն տվել ինձ: Արդեն մեկ ժամ է քույրս ներսում է: Կոնկրետ ժամ չկա, պետք է քրոջիցս հետո մտնեմ»:
Հարցին՝ ինչպե՞ս կգնահատի իրենց ընտանիքի հետ կատարվողը, նա նշեց, որ չի ցանկանում գնահատական տալ, քանի որ բոլորի համար էլ ակնհայտ է:
Լրագրողները հետաքրքրվեցին՝ Հրայր Թովմասյանի դուստրն իրեն ճնշված զգո՞ւմ է, նա հավաստիացրեց, որ ոչ:
Կարդացեք նաև
Մյուս հարցին՝ ի՞նչ է այս ամենի մասին մտածում իր հայրը՝ Հրայր Թովմասյանը, Հրայր Թովմասյանի դուստրը պատասխանեց. «Այդ թեմայով իր հետ չեմ խոսել, իր փոխարեն ասել չեմ կարող»:
Տաթև ՀԱՐՈՒԹՅՈՒՆՅԱՆ
