«Մինչ օրս մերժել եմ հեռուստաեթերով հանդես գալու, քննարկումների մասնակցելու առաջարկները, որովհետեւ չեզոք եմ, չեմ ուզեցել քաղաքական ուժերի կողմից օգտագործվել: Բայց չդիմացա, երբ ՍԴ նախագահ Հրայր Թովմասյանի հանդեպ սկսվեցին այս գործողություները եւ նրա քրոջ՝ Անժելա Թովմասյանի դեմ հարձակումները»,-«Այլընտրանքային նախագծեր խումբ» հ/կ-ի եւ «Իմ Ձայնը» հ/կ-ի նախաձեռնած՝ «ՀՀ իրավական մարտահրավերները» խորագրով քննարկման ընթացքում այսօր հայտարարեց «Հայաստանի Հելսինկյան կոմիտե» հ/կ-ի նախագահ, իրավապաշտպան Ավետիք Իշխանյանը:
Նա շեշտեց. «Սա Հրայր Թովմասյանի անձի հարցը չէ: Երբ նա նախարար էր, իմ եւ նրա հարաբերությունները սրված են եղել, ես միշտ քննադատել եմ նրան, բայց հարցը դա չէ, այլ հետեւյալը. եթե Թովմասյանը հպատակվեր իշխանությանը, արդյոք այս հետապնդումները կլինեի՞ն: Իհարկե՝ ոչ: Պատկերացրեք, որ այսօրվա գլխավոր դատախազը որեւէ մեղադրանք չպաշտպաներ կամ դատավոր Դավիթ Գրիգորյանի դեմ քրեական գործ չհարուցեր: Հրայր Թովմասյանին երանի կտայիք, եթե համեմատեիք, թե ինչ վիճակում կհայտնվեր այդ դեպքում գլխավոր դատախազը: Այս ամենն անընդունելի է»:
https://www.facebook.com/aravot.am/videos/398228951107163/
Սահմանադրական դատարանի նախագահ Հրայր Թովմասյանի լիազորությունների դադարեցման շուրջ գործընթացի առնչությամբ Ավետիք Իշխանյանը նշեց, որ տեսել է անգամ «լավ են անում եւ պետք է գնդակահարեն» բովանդակությամբ գրառումներ. «Սա խոսում է այն մասին, որ վտանգավոր իրավիճակում ենք, որի առաջին ահազանգը եղավ, երբ պարզվեց, որ դատավոր Ալեքսանդր Ազարյանը գրագող է, երբ դատավոր Դավիթ Գրիգորյանի դեմ քրեական գործ հարուցվեց: Եթե նրանք կատարեին իշխանահաճո որոշում, իրավիճակն այլ կլիներ: Պատկերացնո՞ւմ եք, եթե ծանր հիվանդություններ ունեցող Մանվել Գրիգորյանի խափանման միջոցը դատավոր Մնացական Մարտիրոսյանը փոխի…»:
Կարդացեք նաև
Լուիզա ՍՈՒՔԻԱՍՅԱՆ
