Վարչապետի խորհրդական Արշակ Կարապետյանը, ինչպես տեղեկացրել ենք, այսօր հրավիրվել էր ապրիլյան քննիչ հանձնաժողովի փակ նիստին:
Լրագրողների հետ զրույցում հարցին, թե ինչո՞ւ համաձայնեցիք գալ քառօրյա պատերազմի քննիչ հանձնաժողովի նիստին՝ պատասխանեց. «Բայց ես զինվորական եմ, ո՞նց կարամ համաձայնվեմ կամ չհամաձայնվեմ»:
Իմացե՞լ է հետախուզությունը կուտակումների մասին, իսկապես հայտնել է եւ քայլեր չեն ձեռնարկվել՝ այս հարցերին ի պատասխան նա ասաց, որ հարցնենք հանձնաժողովին:
Իր թերացումների մասին հարցերին էլ նա որեւէ պատասխան չտվեց. «Ես ՀՀ քաղաքացի եմ, չէ՞: Իմ ղեկավարությանը հարցրեք այն ժամանակվա»: Դիտարկմանը, որ այն ժամանակ ձեզ հեռացրեցին պաշտոնից եւ դա մեկնաբանվում էր, որ ձեր թերացումների պատճառով է, դուք ինչպե՞ս եք մեկնաբանում՝ նա պատասխանեց. «Ես չեմ գտնում, դուք գտնո՞ւմ եք, մասնագիտորեն դա ճիշտ չի»:
Կարդացեք նաև
Հացին՝ այսօր հանձնաժողովում դուք ասելիք ունե՞ք, այնպիսի տվյալներ եք հայտնելու, որոնք նոր հանգամանքնե՞ր կբացահայտեն՝ նա պատասխանեց, որ դա հանձնաժողովի հարցերից է կախված. «Ռազմական տեսակետից մեղավորությունը պարզելը այ նման հանձնաժողովի համար է, դրա համար էլ այդ հանձնաժողովը ստեղծվել է»:
Լրագրողները հարցրեցին՝ մամուլում հրապարակում եղավ, որ վարչապետի խորհհրդական նշանակվեցիք Մարտի 1-ի գործով ձեր ցուցմունքով պայմանավորված, ի՞նչ կասեք այդ մասին՝ Արշակ Կարապետյանը պատասխանեց. «Իսկ ո՞վ էդա ասել: Նույն մամուլից էլ հարցրեք: Եթե մարդիկ էդքան կարճ են մտածում ու իրենցով են մտածում, ես ո՞նց մեկնաբանեմ դա: Ամեն մարդ իրա մակարդակով է ենթադրություններ անում, կարծում եմ, էդ հենց էդ ոլորտից է»:
Հռիփսիմե ՋԵԲԵՋՅԱՆ
