Բլոգեր Ալեքսանդր Լապշինը գրառում է կատարել Facebook սոցիալական ցանցում՝ անդրադառնալով Ryanair ավիաընկերությանը, որը 2020 թվականի հունվարից մտնում է հայկական ավիափոխադրումների շուկա: «Ամբողջ համացանցը քննարկում է՝ ինչ հիանալի աղջիկ է Տաթևիկ Ռևազյանը՝ երկրի քաղաքացիական ավիացիայի կոմիտեի ղեկավարը, որ կարողացավ համոզել Ryanair-ին գալ Հայաստան: Ինչ անհեթեթություն: Ի՞նչ կապ ունի այդ աղջիկը: Ընկերներ, խնդրի էությունը Տաթևիկ Ռևազյանի՝ ավիաընկերության հետ պայմանավորվելու կարողությունների մեջ չէ: Խնդիրը դրանում չէր, այլ ավիաընկերությունների համար օդանավակայանի բոլոր վճարները պետության կողմից չեղարկելու անհրաժեշտությունն էր, որպեսզի վերջիններս համաձայնեին թռիչքներ իրականացնել Հայաստան»,-գրել է բլոգերը:
Լապշինի խոսքով ՝ այսօր մեկ ուղևորի համար օդանավակայանի վճարը կազմում է 76 ԱՄՆ դոլար և ՀՀ վարչապետ Նիկոլ Փաշինյանի հրամանով երկրի բյուջեն կհոգա համապատասխան ծախսը:
«Այս ամենի մասին ինձ անձամբ ասել է Փաշինյանը դեռ 2018թ. ամռանը՝ ավելի քան մեկ տարի առաջ: Բայց քչերը կհիշեն, որ դեռ 2015թ.՝ Սերժի օրոք Ryanair հստակ իր պահանջերն էր դրել՝ հոգում եք բոլոր ծախսերը և մենք գալիս ենք Հայաստան: Չեք հոգում, չենք գալիս: Պարզ և հստակ: Ryanair-ի և Wizzair-ի հետ բանակցություններ եղել են դեռ Սերժի օրոք՝ Տաթևիկից շատ առաջ, ուղղակի նախկին իշխանությունները հրաժարվեցին յուրաքանչյուր ուղևորի համար պետբյուջեից վճարել 76 դոլար: Տաթևիկն ուղղակի թռել է Եվրոպա և նրանց փոխանցել Նիկոլի որոշումը: Այդ պատճառով, կարծում եմ, որ Տաթևիկ Ռևազյանի ձեռքբերումը չէ այդ ավիաընկերությունների մուտք գործեը: Սա անձամբ Նիկոլ Փաշինյանի որոշումն է և բյուջեի փողերը»,-գրել է Լապշինը:
Պատրաստեց՝ Վիկտորյա ԱՆԴՐԵԱՍՅԱՆԸ
Կարդացեք նաև
Իրականում ճիշտ բաներ է ասում: «Ռայանին» նախապէս արտօնութիւններ են խոստացել, նա էլ համաձայնել է: Իսկ արտօնութիւնը հաւանաբար բիւջէի հաշուին է: Թաւշեայ դէպքերից յետոյ բիւջէն աւելացել է՝ նախկինների թալանածը մասամբ վերադարձնելու շնորհիւ: Կարճ ասած՝ բիւջէում աւել փող կայ ու աջուձախ լաւ բաներ են անում ժողովրդի համար՝ աշխատավարձների աճ, ճանապարհների լայնամասշտաբ վերանորոգում, գումարներ կրթօջախներին, տօնակատարութիւններ, նաեւ՝ էժան օդուղիներ «Ռայանի տեսքով»: Նման պարագայում «Ռայանի» մուտքը յաւելեալ հոգս չէ հարկատուների համար, բայց միւս կողմից էլ ժամանակաւոր ճոխութիւն է՝ մինչեւ համակարգը, կենսաֆիզիկայի լեզուով ասած, գայ ստացիոնար վիճակի:
Ամէն դէպքում սա լաւ է շարքային մարդկանց համար, ԲԱՅՑ … չարժէ ակնկալել, որ տոմսի գներն իրօք այդքան էժան էն լինելու:
1. «Ռայանը» միգուցէ թռիչքից մէկ-երկու օր առաջ կտրուկ ցածր գին առաջարկի, բայց այդ դէպքում հայաստանցիները վիզայի խնդիր ունեն ու դա չի աշխատի (ենթադրւում է, որ տոմսը շա՜տ շուտ առած պիտի լինէին):
2. «Ռայանը» յաճախ գնալը 5€ է դնում, բայց վերադարձը 150€:
3. Երեւի աւելի հաւանական է, որ Եւրոպա գնալ-գալու միջին գինը 150-250€ լինի: Բայց նորից եմ ասում՝ ժամանակ առ ժամանակ խիստ էժան տոմսերը բացառուած չեն:
4. Շատ կարեւոր է հայկական մտածելակերպը: Սա ճամպրուկների համար նախատեսուած օդուղի չէ: Պէտք է սովորէք ճամփորդել թեթեւ՝ միայն մի 5 կգ-անոց ուսապարկով: Նախապէս հոգացէք ձեր ստամոքսի հարցերը: Օդանաւում հաց ու ջուր չարժէ ուտել/խմել: Ամէն ինչն այդտեղ փող է:
Յ.Գ. Հայերին լաւ ճանաչելով, պատկերացնում եմ, թէ ինչ աղմուկ-աղաղակ է լինելու ձեռքի ճամպրուկի չափսերի հետ կապուած՝ օդանաւ նստելու պահին:
“Ара, это не мясо, это Бастурма”. Հայ կնոջ արկածները Դիւսելդորֆի օդակայանում տեսե՞լ էք: Մօտաւորապէս էդ կարգի 🙂