Հոկտեմբերի 16-ին ՀՀ ԱԺ պատգամավոր Աննա Կոստանյանի նախաձեռնությամբ տեղի է ունեցել «Հերունու ազգային տիեզերական կենտրոնի» նախագծի վերաբերյալ քննարկում:
Աննա Կոստանյանը տեղեկացրել է, որ քննարկման նպատակն է վեր հանել առկա խնդիրները եւ փորձել գտնել առավել արդյունավետ լուծումներ:
ՀԱՊՀ պրոֆեսոր Արեւիկ Սարգսյանը ներկայացրել է կենտրոնի պատմությունն ու ձեռքբերումները: Նա նշել է, որ 2018 թվականի սկզբից ՀՀ ՏԶՆ նախարարության (ՀՀ էկոնոմիկայի նախարարության) հետ ակտիվ քննարկվում է «Հերունու ազգային տիեզերական կենտրոնի»-ին՝ առանձին պետական սեփականության կառուցվածքային միավորի կազմավորման հարցը: Արդիական է նաեւ այնտեղ գիտական աշխատանքի վերսկսման խնդիրը, ինչը հնարավորություն կտա իրականացնել գիտաարտադրական եւ կրթական կայուն եւ կենսունակ մոդելների ներդրում: Արեւիկ Սարգսյանի խոսքով՝ ռադիոօպտիկական դիտակի գործարկումը ոչ միայն հնարավոր է, այլեւ անհրաժեշտ: Անցած տարիներին նա իր գործընկերների հետ մի շարք քայլեր է կատարել այդ ուղղությամբ:
ՀՀ էկոնոմիկայի նախարարության ներկայացուցչի տեղեկացմամբ՝ «Հերունու ազգային տիեզերական կենտրոնի» նախագծին տրվել է բացասական եզրակացություն
Ամփոփելով քննարկումը՝ Աննա Կոստանյանը նշել է, որ առկա խնդիրները դեռեւս անհրաժեշտ է քննարկել եւ հույս հայտնել, որ հետամուտ է լինելու դրանց լուծմանը:
Հանդիպմանը մասնակցել են ներկայացուցիչներ ՀՀ էկոնոմիկայի նախարարությունից, Չափագիտության ազգային ինստիտուտից, «Հայաստանի իրավազորություն» հիմնադրամից:
ՀՀ Ազգային ժողով
