«Հոկտեմբերի 15 -ին Ադրբեջանի եւ Թուրքիայի նախագահների հանդիպման ժամանակ Բաքվում բարձրաձայնվել են վտանգավոր թեզեր»,-«Հայելի» մամուլի ակումբում լրագրողների հետ հանդիպմանն այսօր անդրադառնալով Ռեջեփ Թայիփ Էրդողան-Իլհամ Ալիեւ հանդիպմանը, ասաց Ադրբեջանի հարցերով փորձագետ, քաղաքագետ Անժելա Էլիբեգովան:
«Նախ, Էրդողանը փաստել է, որ Թուրքիան եւ Ադրբեջանն ուժերը միավորելու են միջազգային հարթակում: Էրդողանը նաեւ շնորհակալություն է հայտնել Ալիեւին, որ վերջինս սատարում է Սիրիայում Թուրքիայի գործողությունները»,-շեշտեց Անժելա Էլիբեգովան:
https://www.facebook.com/aravot.am/videos/734103970441618/
Նրա փոխանցմամբ՝ սա վտանգավոր ազդակ ունի. «Ադրբեջանական մամուլը դա ընկալեց որպես ահազանգ, թե նույն գործողություններն ակնկալում են իրականացնել նաեւ Արցախում, քանի որ Թուրքիան եւ Ադրբեջանը քանիցս համատեղ զորավարժություններ են իրականացրել»:
Կարդացեք նաև
Փորձագետի բնորոշմամբ. «Ալիեւն իրեն թույլ տվեց լկտիաբար խոսել ՀՀ տարածքային ամբողջականության մասին՝ ասելով, թե Զանգեզուրն է, որ այս պահին խանգարում է իրենց պանթուրքիստական երազանքի իրականացմանը: Ակնկալում եմ հայկական կողմի կոշտ արձագանքը սրա վերաբերյալ»:
Լուիզա ՍՈՒՔԻԱՍՅԱՆ
