Փառատոնը յուրահատուկ աշխարհ է, իսկ Silk Note փառատոնն առանձնահատուկ է կրկնակի. դրա համար պատճառներ կան: Պատճառներից մեկն էլ փառատոնի անցկացման վայրն է՝ Հայաստանը՝ անսահման գեղեցիկ երկիր, բազմադարյա պատմությամբ և մշակույթով` գրում է Kommersant-ը:
Ճանապարհորդությունը դեպի այս երկիր համեմատելի է ժամանակի մեքենայով ճամփորդության հետ, քանի որ ձեր աչքերի առաջ վերածնվում է անցյալը, որն արտացոլվում է ճարտարապետության մեջ և տեղի բնակիչների կենսակերպում:
Նոյեմբերի 6-ից 10-ը Երևանում անցկացվող փառատոնին ներկա գտնվելուց պատճառներից մեկն էլ նախագծի կազմակերպիչների («Իմ քայլը» հիմնադրամ, «Մշակութային զբոսաշրջության զարգացման միջազգային ասոցիացիա», Berin Iglesias Art միջոցառումների կազմակերպման միջազգային հոլդինգ) անթերի հեղինակությունն է:
Այս տարի փառատոնը խոստանում է ուրախացնել երաժշտասերներին՝ համաշխարհային ճանաչում ունեցող երաժիշտների ելույթներով: Օրինակ՝ նոյեմբերի 6-ին Կարեն Դեմիրճյանի անվան Մարզահամերգային համալիրում ելույթ է ունենալու աշխարհահռչակ Jamiroquai-ը, նոյեմբերի 8-ին՝ The Parov Stelar Band ավստրիական խումբը, իսկ նոյեմբերի 10-ին ակնկալվում է կիթառահարների աշխարհի լեգենդ Al Di Meola-ի համերգը: Նույն օրը տեղի կունենա նաև All Stars Project՝ գրում է կայքը:
Կարդացեք նաև
Պատրաստեց՝ Վիկտորյա ԱՆԴՐԵԱՍՅԱՆԸ
