ՀՀԿ փոխնախագահ Արմեն Աշոտյանը ֆեյսբուքյան իր էջում գրում է.
«Այսօր Բրյուսելում հանդիպել եմ Եվրոպական Ժողովրդական կուսակցության նախագահ Ժոզեֆ Դոլի հետ։ Հանդիպմանը մասնակցել է նաեւ ՀՀԿ ԳՄ անդամ, ԼՈՒՅՍ հիմնադրամի նախագահ Դավիթ Հարությունյանը։
ԵԺԿ նախագահին տեղեկացրել ենք Հայաստանի ներքաղաքական զարցացումների մասին եւ շնորհակալություն հայտնել Հանրապետականին ցուցաբերած աջակցության համար։
Կարդացեք նաև
Առանձնահատուկ ուշադրության ենք արժանացրել Հայաստանում դատաիրավական համակարգի եւ Սահմանադրական դատարանի շուրջ ստեղծված իրավիճակին։ Մտահոգություն ենք հայտնել երկրում մամուլի եւ խոսքի ազատության հանդեպ վերջին ոտնձգությունների կապակցությամբ։
Նախագահ Դոլին ներկայացրել ենք ՀՀԿ քաղաքական գործունեության արդյունքները եւ նոր ծրագրերը, այդ թվում՝ միջազգային համագործակցության ոլորտում։
Հանդիպման ընթացքում անդրադարձ է կատարվել նաեւ տարածաշրջանային հիմնախնդիրներին, մասնավորապես՝ Արցախի հարցին եւ Թուրքիայի ռազմական ներխուժման հետեւանքով Հյուսիսային Սիրիայում առաջացած ճգնաժամային իրավիճակին, ինչպես նաեւ շնորհակալություն ենք հայտնել Սիրիայի հարցով ԵԺԿ նախագահի պաշտոնական հայտարարության համար։
ԵԺԿ նախագահը իր հերթին կարեւորեց, որ Հայաստանի գործող կառավարությունը պետք է ապահովի մամուլի ազատությունը եւ դատական իշխանության անկախությունը»։
