ԱԺ առողջապահության եւ սոցիալական հարցերի հանձնաժողովում այսօր քննարկվեց «Իմ քայլը» խմբակցության պատգամավոր Գեւորգ Պապոյանի հեղինակած՝ «Աշխատանքային օրենսգրքում փոփոխություններ կատարելու մասին» օրինագիծը, որը նախատեսում է՝ 10 եւ ավելի աշխատակիցներ ունեցող գործատուները աշխատավարձի վճարումը պետք է կատարեն անկանխիկ եղանակով:
Օրինագծում, սակայն, փոփոխություն է տեղի ունեցել: Հեղինակ Գեւորգ Պապոյանը տեղեկացրեց՝ քանի որ մարզերում ենթակառուցվածքները դեռ այնքան էլ զարգացած չեն, եւ քաղաքացիների համար անկանխիկ ձեւով աշխատավարձ ստանալը խնդիր է, դժգոհություններ կլինեն, նշյալ կարգավորումը կվերաբերի միայն Երեւանում գործող ընկերություններին:
Հավելենք, որ օրինագիծը խորհրդարանի լիագումար նիստում դեռ պետք է անցնի երկրորդ ընթերցում:
Հանձնաժողովը քվեարկությամբ դրական եզրակացություն տվեց օրինագծին:
Կարդացեք նաև
https://www.facebook.com/aravot.am/videos/424179678237490/
Լուիզա ՍՈՒՔԻԱՍՅԱՆ
