«Իմ քայլը» խմբակցության պատգամավոր Վահագն Հովակիմյանի համար Սահմանադրական դատարանի երեկվա որոշումը սպասելի էր: «Ըստ իրենց՝ մածունը սեւ է… ՍԴ անդամների զգալի մասը դրանով է զբաղված: Նրանք իրենց կենսագրությամբ զբաղված են եղել իրավական դաշտի աղավաղմամբ»,-ԱԺ-ում լրագրողների հետ զրույցում այսօր այսպիսի գնահատական տվեց Վահագն Հովակիմյանը:
Հիշեցնենք, որ ՍԴ-ն մերժեց Հրայր Թովմասյանի՝ ՍԴ նախագահի լիազորությունները դադարեցնելու վերաբերյալ ԱԺ-ի դիմումը վարույթ ընդունել:
https://www.facebook.com/aravot.am/videos/2681614451871960/
Լրագրողները հետաքրքրվեցին, թե այս իրավիճակում ԱԺ-ն ինչպիսի՞ այլ իրավական ճանապարհներով է փորձելու հասնել ՍԴ նախագահ Հրայր Թովմասյանի լիազորությունների դադարեցմանը: Վահագն Հովակիմյանը վստահեցրեց՝ «Իմ քայլը» տարբերակներ ունի, բայց ինքը հիմա չի բացահայտի դրանք. «Առաջիկայում պարզ կլինի: ԱԺ-ն չի կարող սպասել, որ հանրային վստահություն չունեցող ՍԴ-ն շարունակի իրավական դաշտը կամայական…լուծումները կան: Միայն իրավական ճանապարհի մասին է խոսքը: Վստահեցնում եմ, որ քայլերը կան»:
Կարդացեք նաև
Լուիզա ՍՈՒՔԻԱՍՅԱՆ
