Aravot.am-ը ՀՊՏՀ ռեկտորի պաշտոնակատար Դիանա Գալոյանից հետաքրքրվեց` մտավախություն չունի՞, որ նախարարին ու ԲՈԿ նախագահին ուղղված դիմումը կշրջվի ձեր դեմ, եւ իր ատենախոսության հետ կապված ինչ-ինչ բացահայտումներ կլինեն, ինչպես ռեկտորի նախկին պաշտոնակատար Ռուբեն Հայրապետյանի պարագայում եղավ:
«Տարիներ շարունակ աշխատել եմ իմ դոկտորական աշխատանքի վրա: Գիտական նորույթը, գիտական արդյունքները, հետազոտությունները, վերլուծություններն իրականացրել եմ ամբողջովին ինքնուրույն: Դրական կարծիքներ եմ ստացել 3 ընդդիմախոսներից, որոնք ոլորտի լավագույն մասնագետներն են: Առաջատար կազմակերպությունից սեղմագրի հետ կապված դրական կարծիքներ եմ ստացել նաև մի շարք պետական գերատեսչություններից: Եվ անընդունելի եմ համարում իմ անձի դեմ սկսված այս արշավը, որով փորձում են ստվեր նետել իմ տարիների աշխատանքի վրա և հանրության աչքերում ինձ ներկայացնել բացասական լույսի ներքո»,-ասաց Դիանա Գալոյանը:
Ի դեպ, նրա ատենախոսության վերաբերյալ ֆեյսբուքի իր էջում գրառում էր կատարել նաեւ Հրանտ Բագրատյանը, որը եղել է Գալոյանի ատենախոսության ընդդիմախոսը: «2014-ին, իրոք, եղել եմ Դիանա Գալոյանի դոկտորական ատենախոսության 1-ին ընդդիմախոսը։ Վերահաստատում եմ, որ դա իրենից ներկայացնում է ինքնուրույն ու ամբողջական հետազոտություն: Այն նոր խոսք է հայրենի և միջազգային տնտեսագիտության մեջ։ Մասնավորապես, դեռևս 5 տարի առաջ, տ-ն Գալոյանը, կատարելով համալիր հետազոտություն, նշել էր, որ այն տարբերակով, որով ստեղծվում է ԵԱՏՄ-ն, մասնակիցները լուրջ օգուտներ չեն ստանալու։ Անցած 5 տարիներին Գալոյանի ասածները փաստվեցին։ Հույս կա, Տ. Սարգսյանի հեռանալուց հետո, հաջորդ ղեկավարը կգտնի ԵԱՏՄ շրջանակներում, նոր ավելի արդյունավետ համագործակցության ձևեր և մեթոդներ»:
Հարցին` ինչը ի վերջո վերջ կդնի բուհում լարված մթնոլորտին, այս հարցին էլ, ՀՊՏՀ լրատվության և հասարակայնության հետ կապերի բաժնից հետեւյալ կերպ պատասխանեցին. «Համալսարանում մթնոլորտը լարված չէ, համալսարանի աշխատակազմը համախմբված է բուհի ղեկավարության շուրջ, ինչի մասին է վկայում օրեր առաջ հրապարակված աշխատակիցների հայտարարությունը, որին միացել է ավելի քան 350 աշխատակից, այսինքն՝ բուհի աշխատակիցների 80 տոկոսից ավելին»:
Կարդացեք նաև
Գոհար ՀԱԿՈԲՅԱՆ
