Այսօր Նյու-Դելիում կայանալու է շախմատի մինչեւ 20 տարեկան տղաների եւ աղջիկների աշխարհի երիտասարդական առաջնության բացման արարողությունը, իսկ վաղը կտրվի առաջին տուրի մեկնարկը: Հայտավորվել է 90 տղա եւ 95 աղջիկ:
Հայաստանը Հնդկաստանում ներկայացնելու են օրերս Մումբայում U 18 տարիքային խմբի աշխարհի փոխչեմպիոնի տիտղոսը նվաճած գրոսմայստեր Շանթ Սարգսյանը, բրոնզե մեդալի արժանացած միջազգային վարպետ Արթուր Դավթյանը, ինչպես նաեւ գրոսմայստեր Արամ Հակոբյանն ու կանանց ՖԻԴԵ-ի վարպետ Մարիամ Ավետիսյանը:
Աշոտ ՀԱԿՈԲՅԱՆ
