«Հաճախ մեզ անվանում են «նոր եկածներ», «հեղափոխականներ»: Որոշ շրջանակների մոտ դա կասկածի եւ անորոշության տեղիք է տալիս, բայց մենք չենք խուսափում այդ փոքր կասկածից, որովհետեւ մարդիկ քիչ են հավատացել: Մենք միշտ վարչապետի գլխավորությամբ ասել ենք՝ մի հավատացեք մեզ, այլ հավատացեք ինքներդ ձեզ»,-«Իմ քայլը հանուն Արագածոտնի մարզի» ներդրումային համաժողովում այսօր հայտարարեց մարզպետ Դավիթ Գեւորգյանը:
Նրա բնորոշմամբ՝ 2018-ի գարնանը ամեն մեկը հավատաց ինքն իրեն, եւ ՀՀ-ում տեղի ունեցավ այն, ինչն անհնարին էր թվում՝ թավշյա հեղափոխություն: Մարզպետն անդրադարձավ Փաշինյանի ազդարարած տնտեսական հեղափոխությանը. «Դրա հաջող ընթացքն արդեն իսկ անհերքելի փաստ է»:
Ապա Դավիթ Գեւորգյանն առաջին անգամ պատմեց 2018-ի իրադարձություններից մի դրվագ. «Երեւանյան երեկոներից մեկում, երբ մի սենյակում Նիկոլ Փաշինյանի, Արայիկ Հարությունյանի հետ քննարկում էինք հաջորդ օրվա անելիքները, Արայիկ Հարությունյանը օրվա լրահոսն էր կարդում: Ասաց, որ ռադիոտան հայտնի գործի առնչությամբ քրեական գործ է հարուցվել եւ գուցե մեկը ձերբակալվի: Նիկոլ Փաշինյանը զարմացած նայեց եւ ասաց՝ ի՞նչ քրեական գործ, ի՞նչ ձերբակալություն… եթե ժողովրդին չենք կարողանալու հասցնել նպատակին, ուրեմն ես քաղաքականության մեջ էլ անելիք չունեմ: Այսինքն՝ պետք է հաջողել, այլ տարբերակ չկա»:
Կարդացեք նաև
Լուիզա ՍՈՒՔԻԱՍՅԱՆ
