Արցախի անվտանգության խորհրդի նախկին քարտուղար, Արցախի հերոս Վիտալի Բալասանյանի հարցազրույցից հետո հայաստանյան իշխանության «թավշե» գործիչներն ամենատարբեր պիտակներով վիրավորում ու հանդիմանում են վերջինիս: Մի մարդու, որի անցած ռազմական ուղու գոնե 10 տոկոսը եթե անցած լիներ այսօրվա իշխանությունը, ապա ամեն բան փոքր-ինչ այլ կլիներ:
Այս օրերին Վիտալի Բալասանյանին «նախշել» է նաև Հայաստանի անվտանգության խորհրդի քարտուղար Արմեն Գրիգորյանը: Ծնունդով ստեփանակերտցի Գրիգորյանը Բալասանյանի հարցազրույցը խուլիգանություն է որակել, ըստ երևույթին մոռանալով, որ հերոսի հետ մեկ անգամ չէ, որ սեղան է նստել, հաց կիսել: Երևի մոռացել է, որ Արցախի հերոսը բոլորիս համար է կենաց-մահու պայքար մղել, առանց երկմտելու իր կյանքն է վտանգել ու հարկ եղած դեպքում նորից ճակատ է մեկնելու:
Ընդամենը քայլելով կառավարական փափուկ աթոռներին բազմածները պետք է հասկանան ու ընդունեն՝ պատերազմի բովով անցածների հետ հաթաթայի լեզվով չի՛ կարելի խոսել: Որքան էլ տաք-տաք կաբինետներից քննադատելն ու մարդու անցած ճանապարհի վրա ստվեր գցելը պարտադրված կամ հաճելի լինի, չծառայած Արմեն Գրիգորյանը, Արսեն Թորոսյանը, Տիգրան Ավինյանը և այլք խղճի առջև պետք է դեմ դիմաց կանգնեն ու հարց տան իրենք իրենց՝ բարոյական իրավունք ունե՞ն քամահրանքով խոսելու գեներալների ու, առհասարակ, սպաների մասին։ Պատասխանը, կարծում եմ, աքսիոմի պես միանշանակ է՝ չունե՛ն:
Սերգեյ ՍԱՂՈՒՄՅԱՆ
Կարդացեք նաև
Հոդվածն ամբողջությամբ՝ «Իրատես» թերթի այսօրվա համարում
Արմեն Գրիգորյանը երեկ լրագրողների հարցերին պատասխանելիս ասաց, որ ծառայել է ՊԲ-ում։ Խաբե՞լ է, թե՞ «Առավոտ»-ի խմբագրությունում տեղյակ չեն երեկվա հարցուպատասխանից ու սուտ տեղեկատվություն են տարածում
Նախ՝ սա «Իրատեսի» հրապարակումն է: Երկրորդ՝ հրապարակման մեջ հղում կա Արմեն Գրիգորյանի երեկվա հարցազրույցին:
Հարգելի Աննա,
Նախ՝ իհարկե «Իրատեսի» հրապարակումն է, բայց սուտ պարունակող հրապարուկում տարածելը, ինձ համար, որպես «Առավոտի» ընթերցողի տարակուսելի է, թեկուզև հոդվածում ստի հետ կապ չունեցող ««նախշել» է նաև» բառերը հղում դարձնելով։ Անկեղծորեն չեմ ցանկանում «Առավոտում» տեսնել աջ ու ձախ առատորեն թափված այլ «լրատվամիջոցներին» հատուկ «տրյուկներ»։ Իսկ նման կասկածներ, կներեք, առաջանում են, «Իրատեսի» տված վերնագրի և «Առավոտի» տեղադրած նկարի համադրությունը վկա
Հարգելի Anonymous: Ուշադրություն դարձրեք նաեւ, որ մամուլի տեսության շրջանակում մեջբերված այս նյութում խոսքը միայն Արմեն Գրիգորյանի մասին չէ, եւ նշված անձանցից առնվազն մեկն իրոք չի ծառայել բանակում՝ առողջական պատճառներով:
Դե հա, տարածված հոդվածն ամբողջությամբ սուտ չէ։ Միգուցե իմ պատկերացումներն ու սպասելիքներն են չափազանցեցված, միգուցե պետք է շնորհակալ լինել ոչ ամբողջությամբ սուտ տեղեկատվության տարածման համար։ Կներե՛ք
Վերևի պատասխանը նույնպես իմն է, անուն լրացնելու մասը պարզապես բաց թողեցի