Վարչապետ Նիկոլ Փաշինյանը լրագրողների խնդրանքով անդրադարձավ այսօր մամուլում շրջանառվող այն լուրերին, թե պաշտպանության նախարար Դավիթ Տոնոյանին աշխատանքից ազատում է: «Անհեթեթ լուրեր են»,-ի պատասխան հայտարարեց վարչապետը:
Ավելի վաղ Irakanum.am-ը հաղորդել էր, որ Նիկոլ Փաշինյանը կառավարությունում հանդիպում է ունեցել Պաշտպանության նախարար Դավիթ Տոնոյանի հետ, և տեղեկացրել, որ ազատվում է զբաղեցրած պաշտոնից. «Փաշինյանը համապատասխան որոշումն արդեն իսկ ուղարկել է նախագահ Արմեն Սարգսյանին: Մեզ հասած տեղեկություններով Դավիթ Տոնոյանի ազատման մասին պաշտոնապես կհայտարարվի օրվա ընթացքում»:
Հիշեցնենք, Նիկոլ Փաշինյանը մասնակցում էր «Ի՞նչ անել-2 տնտեսական հեղափոխություն. ընկալումը եւ գործարկումը» խորհրդաժողովին:
Նելլի ԲԱԲԱՅԱՆ
