Այսօր Երևանի ընդհանուր իրավասության դատարանի Շենգավիթ նստավայրում կայացած նիստին դատավոր Աննա Դանիբեկյանը մերժեց Արմեն Գեւորգյանի խափանման միջոց՝ չհեռանալու մասին ստորագրությունը վերացնելու մասին պաշտպան Էրիկ Ալեքսանյանի ներկայացրած միջնորդությունը։
«Այն, որ դատարանի որոշումը կբողոքարկենք, միանշանակ է, քանի որ մեր միջնորդությունը բավարելու համար հիմքերը առկա են»,- նիստից հետո նշեց նախկին փոխվարչապետ Արմեն Գևորգյանի պաշտպան Էրիկ Ալեքսանյանը։
«Արմեն Գևորգյանն իր հերթական բուժումները անցել է Ավստրիայում, հետևաբար կրկին անհրաժեշտություն էր առաջացել այնտեղ բուժզննում անցնելու համար»,- նշեց Արմեն Գևորգյանի պաշտպանը։
Դիտարկմանը, թե դատարանը մտավախություն ունի, որ հնարավոր է՝ Արմեն Գևորգյանը չվերադառնա և խոչընդոտի դատաքննությանը, պաշտպանը պատասխանեց, որ Արմեն Գևորգյանն ի սկզբանե գտնվել է ազատության մեջ և պատշաճ վարքագիծ է դրսևորել։
Կարդացեք նաև
«Եղել են դեպքեր, որ սույն քրեական գործի վարույթը գտնվել է դատավոր Գրիգորյանի վարույթում, և նրա թույլտվությամբ նա մեկնել է Արցախի Հանրապետություն։ Նա վերադարձել է և շարունակել է իր պատշաճ վարքագիծը դրսևորել՝ մինչ օրս։ Որևէ հիմք, որ Արմեն Գևորգյանը կարող է մեկնել երկրից և չվերադառնալ, տրամաբանությունից դուրս է»,- նշեց նա։
