«Եթե նախորդ կառավարությունը 2017-ին մեծ պաթոսով ժապավենը կտրել է եւ սխալվե՞լ է`պետք է ասվի դրա մասին: Քաղաքական հայտարարություն պետք է արվի»,- այսօր ԱԺ տարածաշրջանային եւ եվրասիական ինտեգրման հարցերի մշտական հանձնաժողովի նիստում հայտարարեց հանձնաժողովի նախագահ Միքայել Մելքումյանը: Խոսքը Մեղրիի ազատ տնտեսական գոտու մասին է, որը ԵԱՏՄ քվոտայով է սահմանված:
Հանձնաժողովում այսօր քննարկվում էր «Մեղրու ազատ տնտեսական գոտի» ՓԲԸ-ի շուրջ ստեղծված իրավիճակը և դրա հետագա գործարկման հնարավորությունները: Ազատ տնտեսական գոտին բացվել է 2017 թվականից, սակայն ցայսօր պարապուրդի է մատնված:
«Եթե հարցի քաղաքական նշանակությունը գնահատում ենք, ես էլ եմ հասկանում, որ պետք է աշխատի: Հողերի հարցը ի վերջո պետք է լուծվի`ի վերջո պետությո՞ւն ենք, թե՞ ոչ»,- վրդովմունքը բարձրաձայնեց պատգամավորը`շարունակելով, որ քրեական գործը արդեն հանգուցալուծման փուլում է եւ ժամանակն է գոտու շահագործման հետագա պատկերացումներն ունենանք:
«Եթե մենք ուզում ենք լուրջ կամուրջ լինել Իրանի եւ ԵԱՏՄ-ի միջեւ այդ գոտին պետք է ունենանք: Ոչ մի հող, ոչ մի ապօրինի աճուրդ իրականացրած համայնքապետ մեզ չի կարող խանգարել»,- ազատ տնտեսական գոտում գործարկման`այս պահին ոչ ձեռնտու լինելու մասին արած ՀՀ էկոնոմիկայի փոխնախարար Ավագ Ավանեսյանին իր անհամաձայնությունները հայտնեց պատգամավորը:
Կարդացեք նաև
Այլ մանրամասները` տեսանյութում
Նելլի ԳՐԻԳՈՐՅԱՆ
