ԱՄՆ կոնգրեսական Ջուդի Չուն և ԱՄՆ Ներկայացուցիչների պալատի անդամ, Կոնգրեսի հայկական հարցերի հանձնաժողովի համանախագահ Ջեքի Կանչելյան-Սփիրը ժամանել են Արցախ, որտեղ հանդիպումներ են ունենալու բարձրաստիճան մի շարք պաշտոնյաների հետ: Այսպիսով՝ ամերիկացի կոնգրեսականների այս քայլը ուղերձ էր՝ Ադրբեջանի իշխող վարչակարգին, որը սպառնում էր «սև ցուցակով» Արցախ այցերի համար:
Այս մասին ասվում է Ամերիկայի Հայ Դատի Հանձնախմբի (ANCA) հաղորդագրության մեջ:
Կարդացեք նաև
ANCA-ն ողջունել է կոնգրեսական Ջուդի Չուի առաջին այցը Արցախ և հիշեցրել, որ կոնգրեսականի ջանքերով ԱՄՆ ներկայացուցիչների պալատ վերահաստատել է «Էնգել-Ռոյս նախաձեռնության» կարևորությունը՝ միտված Արցախի և Ադրբեջանի զինված ուժերի միջև շփման գծում լարվածության թուլացմանը։
Չուի նախաձեռնությամբ՝ ԱՄՆ-ի Ներկայացուցիչների պալատը որոշել է 4 միլիոն դոլար հատկացնել՝ շփման գծում լարվածության թուլացմանն ուղղված աշխատանքների համար:
Կոնգրեսի հայկական հարցերի հանձնաժողովի համանախագահ Ջեքի Կանչելյան-Սփիրը ևս մեծ աշխատանք է տարել այս ուղղությամբ, նա բազմիցս կոչ է արել Միացյալ Նահանգներին՝ աջակցել Արցախին ականազերծման աշխատանքներում:
Ավելի վաղ Ադրբեջանի ԱԳՆ-ն հայտարարել էր, որ Արցախ այցելած կոնգրեսականները կհայտնվեն «սև ցուցակում»:
Պատրաստեց՝ Վիկտորյա ԱՆԴՐԵԱՍՅԱՆԸ
