Երեւանի քաղաքապետ Հայկ Մարությանն այսօր լրագրողների հետ ճեպազրույցում անդրադառնալով մայրաքաղաքի հողատարածքների, օբյեկտների ապօրինի սեփականաշնորհումներին, ասաց, որ նման դեպքերն այնքան շատ են, որ եթե սկսի թվարկել՝ բավական երկար կտեւի:
Քաղաքապետը սակայն մի ուշագրավ բան նշեց. «Խայտառակ պրոցես է եղել: Ապօրինի սեփականաշնոհումների 90 տոկոս դեպքերում հենց այդ պահին գործող թաղապետերի բարեկամներն են, անգամ շատ մոտ բարեկամները, երեխաներն են, հորաքրոջ տղաները, սանիկները»:
Մարությանն ասաց, որ բոլոր գործերն ուղարկում են իրավապահ մարմիններին: Արդյոք պատասխանատվության ենթարկվողների մեջ կլինի նախկին քաղաքապետ Տարոն Մարգարյանը, հարցին ի պատասխան Մարությանն ասաց. «Բոլորը, բոլորը»:
Մանրամասն՝ տեսանյութում:
Կարդացեք նաև
Նելլի ԲԱԲԱՅԱՆ
