«Այս պահին չկա որեւիցե պատրվակ կամ նախանշան, որը գազի գնի թանկացում կենթադրի»,- այսօր Տարածաշրջանային եւ եվրասիական ինտեգրման հարցերի մշտական հանձնաժողովի նիստում ասաց ՀՀ փոխվարչապետ Մհեր Գրիգորյանը` պատասխանելով հանձնաժողովի նախագահ Միքայել Մելքումյանի հարցին:
Գազի գնի թանկացումը սահմանին, որը նաեւ անդրադառնում է բնակիչների համար գազի գնի թանկացմանը, կախված է երեք բաղադրիչներից, որոնց շուրջ դեռ անցյալ տարվանից բանակցություններ են սկսվել ռուսական կողմի հետ: Դրանք դեռ ընթանում են:
Մհեր Գրիգորյանը գազի գնի կայունացման համատեքստում շատ կարեւորում է ԵԱՏՄ-ում միասնական էներգետիկ շուկայի կայացումը, որտեղ կլինի նաեւ էներգակիրների միասնական գնագոյացում: «Երբ հարցն այդ հարթակ տեղափոխվի, մեր պետությունն էլ դոմինանտ ձայն կունենա»,- վստահեցնում է փոխվարչապետը:
Հանձնաժողովի նիստին մասնակցող Մեղրիի քաղաքապետ Մխիթար Զաքարյանն էլ հայտարարեց, որ Մեղրին գազ կունենա մինչեւ այս տարեվերջ:
Կարդացեք նաև
Հարցը համայնքի բնակիչներն ու ղեկավարը բարձրացրել էին, երբ հանձնաժողովի անդամներն արտագնա նիստ էին գումարել Մեղրիում: Հիշեցնենք, Իրանին սահմանակից երկու հայկական համայնքների գազաֆիկացման համար գումար էր տրամադրել ԻԻՀ նախկին նախագահ Մահմուդ Ահմադինեջադը: Շինարարական աշխատանքների ընթացքում, բայց մի փոքր չէր բավարարել եւ հարցն այդպես էլ մնացել էր օդում: Մեղրիում արտագնա նիստից հետո, պատգամավորները հարցը կառավարությանն էին ներկայացրել, գումարը տրամադրվել է:
Նելլի ԳՐԻԳՈՐՅԱՆ
