«Սահմանային իրավիճակն, ընդհանուր առմամբ, կայուն է եւ վերահսկելի: Լարվածություն եւ միջադեպեր միշտ եղել են, մոտակա ժամանակահատվածում էլ կշարունակվեն, թեեւ կրակոցների թիվը համեմատաբար նվազել է»,-լրագրողների հետ հանդիպմանն այսօր հայտարարեց ՀՀ ԶՈՒ գլխավոր շտաբի պետ, գեներալ-լեյտենանտ Արտակ Դավթյանը՝ անդրադառնալով ՀՀ սահմանին Ադրբեջանի վերջին շրջանի ակտիվությանը:
Նա նշեց, որ Նոյեմբերյանի տարածաշրջանում իրավիճակը էական փոփոխություն չի կրել. «Լարվածության տարրեր կան, բայց դա համարենք սահմանային ռեժիմ՝ երբեմն ավել կամ պակաս: Կես ժամ առաջ էլ եղել են կրակոցներ, որոնք կրել են ոչ նպատակային բնույթ: Մեր պատասխան կրակոցից հետո հակառակորդի կրակոցները դադարել են: Կլինի համարժեք պատասխան»:
https://www.facebook.com/aravot.am/videos/394255097931902/
Արտակ Դավթյանը ցավով փաստեց, որ վերջին շրջանում հակառակորդի գործողությունների հետեւանքով հայկական կողմը երեք վիրավոր եւ մեկ զոհ ունեցավ. «Բայց Նոյեմբերյանի ուղղությամբ համարժեք պատասխան տրված է: Այլ է հարցը, որ որոշ պատասխանների դեպքում նպատակահարմար չէ հայտարարելը»:
Կարդացեք նաև
Լուիզա ՍՈՒՔԻԱՍՅԱՆ
