«Լուսավոր Հայաստան» խմբակցության ղեկավար Էդմոն Մարուքյանը ԱԺ ճեպազրույցների ընթացքում խոսեց օրերս «Հայելի» մամուլի ակումբի վրա կատարված հարձակման մասին: «Ես Ստրասբուրգից հասել եմ Հայաստան եւ տեսնելով, որ մի քանի ժամ առաջ նման բան է եղել, դատապարտել եմ եւ հույս հայտնել, որ իրավապահ մարմինները համապատասխան գործողություններ կանեն: Եվ ոնց որ անում են՝ քրեական գործ կա հարուցված:
Ինչ վերաբերում է խոսքի ազատությունը վտանգված լինելուն, չեմ կարող նման պնդում անել մի քանի քաղաքացու ինքնագործունեության արդյունքում:
Ես ժամանակին կարծում էի, որ «արջի ծառայությունը» միայն Հանրապետական կուսակցության կամ նախկին իշխանությունների ժամանակ կիրառվող գործընթաց է: Ես ձեզ պետք է ասեմ, որ ովքեր նման բաներ են անում՝ լինելով վարչապետի կամ իշխող ուժի աջակիցը, նրանք այդ ուժին լավություն չեն անում, նրանք «արջի ծառայություն» են մատուցում եւ վնաս են հասցնում հենց այդ ուժին»:
Աշոտ ՀԱԿՈԲՅԱՆ
