ԿԳՄՍ նախարար Արայիկ Հարությունյանն այսօր շրջում է WCIT 2019-ի տաղավարներով, որոնցում հայաստանյան ընկերությունները ցուցադրում են տեխնոլոգիական նորամուծությունները, այդ թվում՝ խոչընդոտ շրջանցող ռոբոտներ, սակրավոր-ռոբոտներ, բազմաֆունկցիոնալ թռչող-տեսանկարահանող սարքեր, որոնք վայրէջքի ընթացքում դուրս չեն գալիս ՀՀ տարածքից, Գորիսում արտադրված 3D տպիչներ…
Նախարարին ցույց տվին նաեւ փրկարար-ծառայության համար նախատեսված մինի-ինքնաթիռներ, որոնք անտառային հրդեհի մշտադիտարկում են անում արհեստական ինտելեկտի սարքի միջոցով եւ մեկ ժամ կարող են մնալ օդում:
Զգալով հրդեհի օջախը՝ ինքնաթիռները դրա տվյալների մասին հաղորդում են անում փրկարար ծառայությանը: «Սա կարող է նաեւ ռազմարդյունաբերության մեջ օգտագործվել»,-նկատեց Արայիկ Հարությունյանը:
Հայաստանյան ինժեներական լաբորատորիաներից մեկն էլ ստեղծել է օդանավակայանների աշխատանքի համար նախատեսված՝ ինքնաթիռների կոորդինատներ որսացող սարքավորում: Վերջինիս առնչությամբ Արայիկ Հարությունյանը նշեց, որ դա ՀՀ-ում արհեստական բանականության զարգացման լավագույն ապացույցներից է:
Կարդացեք նաև
Լուիզա ՍՈՒՔԻԱՍՅԱՆ
