Այսօր 4 անձինք պաշարել էին «Հայելի» մամուլի ակումբն ու պահանջում էին փակել այն։ Նրանք ձվեր էին նետում ակումբի դռներին ու պաստառներ փակցնում։ Լրատվամիջոցի հետ տեղի ունեցած միջադեպը լայն արձագանք է գտել հանրության շրջանում, դատապարտող հայտարարություններով են հանդես եկել ՀՀ արդարադատության նախարարը, մարդու իրավունքների պաշտպանը, ՀՀ ժուռնալիստների միությունը, հասարակական-քաղաքական գործիչներ։
ՀՀ ԱԺ պատգամավոր Էդմոն Մարուքյանը գրել է․
Կարդացեք նաև
Քիչ առաջ վերադարձա Ստրասբուրգից և ֆեյսբուքից տեղեկացա «Հայելի» ակումբի միջադեպի մասին: Միանշանակ դատապարտում եմ այս դեպքը և հույս հայտնում, որ իրավապահ մարմինները համապատասխան միջոցառումներ կիրականացնեն: Ցանկացած ոտնձգություն ազատ խոսքի նկատմամբ ետ կշպրտի մեր երկիրը այսօրվա ժողովրդավարական ձեռքբերումներից: Ինչպես Թոմաս Ջեֆֆերսոնն էր ասել. «Մեր ազատությունը կախված է մամուլի ազատությունից, և վերջինս չի կարելի սահմանափակել առանց այն կորցնելու»:
https://www.facebook.com/marukyan.edmon/posts/3057736900964683?__tn__=-R
«Հայելի» մամուլի ակումբի միջադեպին անդրադարձել է նաև պատգամավոր նաիրա Զոհրաբյանը․
Րոպեներ առաջ վերադարձա Ստրասբուրգից և հենց օդանավակայանում տեղեկացա, որ հարձակում է տեղի ունեցել լրատվամիջոցի վրա: Որպես քաղաքացի, որպես նախկին լրագրող և որպես Մարդու իրավունքների պաշպանության և հանրային հարցերի մշտական հանձնաժողովի նախագահ, խստորեն դատապարտում եմ մամուլի դեմ ցանկանած ոտնձգություն: Ազատ խոսքը մեր երկրում այլընտրանք չունի, սա պիտի հասկանան բոլորը, և ցանկացած նման դեպք պիտի ստանա իրավական խիստ գնահատական:
https://www.facebook.com/photo.php?fbid=542663056554090&set=a.102014030618997&type=3&theater
Արդարադատության նախկին նախարար Արփինե Հովհաննիսյանը նույնպես հանդես է եկել լրատվամիջոցի վրա հարձակումը դատապարտող հայտարարությամբ․
Զորակցությունս եմ հայտնում Անժելա Թովմասյանին՝ «Հայելի ակումբ»-ի վրա այսօրվա հարձակման կապակցությամբ։
Վերջին մեկուկես տարում անընդհատ բարձրաձայնել եմ, որ, եթե միջոցներ չձեռնարկվեն ատելության խոսքի տարածումը, այլակարծության նկատմամբ անհադուրժողականությունը կանխելու համար, շատ մեծ է հավանականությունը, որ դրանք առցանց տիրույթից ներթափանցելու են իրական կյանք։ Այսօրվա հարձակումը ասածիս վկայությունն է։ Այս հարձակումը փորձաքար է իշխանությունների համար՝ մասնավորապես, թե ինչպես է պետությունը արձագանքում խոսքի ազատության նկատմամբ ոտնձգությանը՝ անկախ տվյալ զանգվածային լրատվության միջոցի եւ դրա ներկայացուցիչների նկատմամբ իշխող ուժի ունեցած վերաբերմունքից։ Այս հարցում իշխանության ցանկացած տապալում տապալում է խոսքի ազատության, ժողովրդավարական արժեքների, արդյունքում՝ իրավական պետության համար։
https://www.facebook.com/arpine.hovhannisyan.14/posts/3625313544161157
Ժուռնալիստների «Ասպարեզ» ակումբի նախագահ Լևոն Բարսեղյանը գրել է․
Բացարձակ մերժելի բան է լրատվամիջոցի վրա հարձակումը, որքան էլ այդ լրատվամիջոցի լրատվությունը կամ հաղորդածը, կամ խմբագրի կամ հիմնադրի մտքերը անընդունելի, կամ տհաճ լինեն այս կամ այն խմբի, մեծամասնության կամ փոքրամասնության համար:
«Հայելի» խմբագրության դեմ հարձակումը պիտի վերջինը լինի, իսկ հարձակվողները պետք է պատշաճ պատասխանատվության ենթարկվեն արածների համար, խուլիգանության հոդվածով:
https://www.facebook.com/levon.barseghyan/posts/10220348811899799
ՀՀ ԱԺ պատգամավոր Գայանե Աբրահամյանը ևս դատապարտող գրառում է կատարել․
Խստորեն դատապարտում եմ «Հայելի» խմբագրության դեմ հարձակումը, բացարձակ մերժելի է որեւէ լրատվամիջոցի դեմ ճնշման կամ բռնության ցանկացած դրսեւորում, անգամ եթե լրատվամիջոց անվանելը հաճախ դժվար է դաշտում առկա բազմաթիվ մեդիահարթակների դեպքում` նման գործելաոճն ԱՆԸՆԴՈՒՆԵԼԻ է։
Բազմաթիվ իրավական ուղիներ են առկա պայքարելու ապատեղեկատվություն, վիրավորանքներ ու զրպարտություն պարունակող նյութեր տարածող հարթակների դեմ։
Ոմն խմբակի հարձակումները քաղհասարակության դեմ չդատապարտելը նաեւ հանգեցրեց նման գործողությունների կրկնության ու որպես պայքարի միջոց հնարավոր տարբերակ դիտարկելուն, սա անընդունելի է եւ պետք է հավասարապես դատապարտելի լինի։
Գաղտնիք չէ, որ խոսքի ազատությունը մեզ համար մեծագույն արժեք է ու նաեւ հեղափոխության կարեւորագույն ձեռքբերումը, որի դեմ ցանկացած ոտնձգություն ոչ միայն իրավական հետեւանք պետք է ունենա, այլ նաեւ հանրային պարսավանքի արժանանա եւ բնում իսկ մերժվի։
ՀՀ նախկին վարչապետ Հրանտ Բագրատյանը կատարել է հետևյալ հրապարակումը․
Խստորեն դատապարտում եմ մամուլի, մասնավորապես Հայելի ակումբի դեմ հարձակումները: Ժամանակին կրծքով պաշտպանել ենք, օրինակ, «Հայկական ժամանակը»: Սրա՞ համար:
https://www.facebook.com/hrant.bagratyan/posts/2521969427860560
