Ազգային ժողովի պատգամավոր Արման Բաբաջանյանն այսօր դիմում ներկայացրեց ՀՀ գլխավոր դատախազություն՝ պահանջելով քրեաիրավական գնահատական տալ Սահմանադրական դատարանի գործող նախագահ Հրայր Թովմասյանի կողմից 2018 թվականին այդ պաշտոնին հասնելու ճանապարհին թույլ տրված, ըստ իրեն՝ «կոպտագույն օրինախախտումներին»:
Լրագրողների հետ զրույցում պարոն Բաբաջանյանն ասաց, որ դրանց արդյունքում տեղի է ունեցել իշխանության փաստացի բռնազավթում։
Ըստ նրա, դիմումում հանգամանորեն ներկայացրել է ՍԴ-ի նախագահի պաշտոնի յուրացման ընթացքում կիրառված «հանցավոր սխեմայի» բոլոր մանրամասները. «Ցանկանում եմ ընդգծել ՍԴ պաշտոնից թույլ տրված օրինախախտումների հիմքով Հրայր Թովմասյանի հեռացումը ՀՀ–ում սահմանադրական արդարության վերականգնմանն ուղղված համալիր, համակարգային գործողությունների շարքի սոսկ մի քայլը պետք է լինի»։
Կարդացեք նաև
Լուսինե ԲՈՒԴԱՂՅԱՆ
