«Փաշինյանի իշխանությունը վաղուց արդեն կապ չունի իրավական պետություն եւ ժողովրդավարական արժեհամակարգ հասկացությունների հետ, այդ իշխանությունը վաղուց արդեն ռեժիմ է, որը մեկ նպատակ ունի` հաշվեհարդար տեսնել բոլոր նրանց հետ, ովքեր չեն անցնում Նիկոլ Փաշինյանի թրի տակով, ովքեր ցանկանում են ապրել իրավական պետության մեջ: Չկասկածեք, դատական իշխանությունը յուրացնելուց հետո Փաշինյանը գրոհելու է չորրորդ իշխանությունը: Դրա նախանշաններն արդեն իսկ երեւում են: Ձեր լրատվամիջոցն էլ խնդիրներ է ունենալու, օրինակ` ինձանից հարցազրույց վերցնելու դեպքում խնդիրներ եք ունենալու: Որդեգրված է բռնապետական մոդելով անձնիշխանություն, ավելի շուտ` ընտանիքաիշխանություն կառուցելու հստակ քաղաքականություն: Եվ, սա չափազանց վտանգավոր է: Սա մեր երկրի, մեր քաղաքացիների «քթից է գալու»,- «Առավոտի» հետ զրույցում ասաց ԱԺ նախկին պատգամավոր Միհրան Հակոբյանն`անդրադառնալով ԱԺ-ում ՍԴ նախագահ Հրայր Թովմասյանի լիազորությունները դադարեցնելու հարցի քննարկումներին:
«Ակնհայտ է, որ ՍԴ նախագահի լիազորությունների դադարեցման հարցը ոչ մի կապ չունի օրենքի եւ ընդհանրապես` իրավաբանության հետ: Ակնհայտ է, որ վարչապետ Փաշինյանը, ուզուրպացնելով գործադիր եւ օրենսդիր իշխանությունները, ցանկանում է գրպանել նաեւ դատական իշխանությունը»,- ասաց մեր զրուցակիցը:
Միհրան Հակոբյանի հետ հարցազրույցը՝ «Առավոտ» օրաթերթի շաբաթ օրվա համարում:
Նելլի ԳՐԻԳՈՐՅԱՆ
Կարդացեք նաև
«Առավոտ»
04.10.2019
Ցինիզմը հո պոզավոր չի լինում հենց սա է էլի: Մինչև 2018թ մայիս ամիսը ռեժիմ չէր, իսկ և իսկ ժողովրդավարություն էր, դատարանները անկախ, մամուլը ազատ, ժողովուրդն էլ երջանիկ: