«Աշխատանքներ են տարվում, որպեսզի կարողանանք հրշեջ-փրկարարների բնակարանային պայմանների բարելավման հասնենք»,- այսօր այս մասին լրագրողների հետ հանդիպմանն ասաց արտակարգ իրավիճակների նախարար Ֆելիքս Ցոլակյանը: Նա խոսքերով՝ հնարավոր է կարողանան այդ ուղղությամբ լուրջ հաջողությունների հասնել եւ հրշեջ-փրկարարները կարողանան ավելի էժան գներով բնակարաններ ստանան. «Նույնիսկ հնարավոր է՝ մենք հասնենք նրան, որ առանձին փրկարարներ պարգեւատրման միջոցով ստանան բնակարաններ»:
ԱԻՆ-ում աշխատանքի անցնելու մասին էլ նախարարն ասաց, որ հիմա ավելի դժվար է լինելու այդ գործընթացը, քանի որ այսօր ԱԻՆ-ում աշխատատեղերը քիչ են, իսկ նախկինում շատ են եղել. «Այսօր աշխատանքի դիմողների թիվն ավելին է, քան աշխատատեղերը: Ավելի շատ մարդ ունենք հերթագրված, քան աշխատատեղ ունենք: Ես, որ եկա, այնպես արեցի, որ համալրումը անենք մեր ակադեմիայի շրջանավարտներով: Ակադեմիայի շրջանավարտը բարձրագույն կրթություն ունի, գալիս է եւ ուզում սպայական աշխատանքի անցնի: Սպայական աշխատանքի տեղերը շատ սահմանափակ են եւ շատերը հենց հիմա աշխատում են սովորական հրշեջ՝ ունենալով բարձրագույն կրթություն: Շատերը սպասում են, թե երբ է գալու ժամանակը, որ դառնան սպա: Հիմա աշխատավարձի բարձրացումից հետո, իմ կարծիքով, տեղերի հարցը փակված է լինելու, ավելի դժվար է լինելու ընդունվել սովորական հրշեջի աշխատանքին, որովհետեւ ցանկացողները շատ են, «վականսիաները»՝ շատ քիչ»:
Նելլի ԲԱԲԱՅԱՆ
