Ինչպես հայտնի է, ԲՀԿ խմբակցությունը չմասնակցեց ՍԴ նախագահ Հրայր Թովմասյանին լիազորություններից զրկելու հարցի քվեարկությանը:
Այսօր Արարատ Միրզոյանը մեր հարցին, թե ԲՀԿ-ի այդ պահվածքը ձեզ ի՞նչ է ասում, պատասխանեց. «Ես դա չեմ թաքցրել նաեւ իրենց հետ խոսակցություններում, ես կարծում եմ, որ քաղաքական ուժը, այն էլ խորհրդարանում ներկայացված ընդամենը 3 քաղաքական ուժերից մեկը, այն էլ այսպիսի գերհագեցված քաղաքական օրակարգով երկրում, ինչպիսին այս օրերին ՀՀ-ն է, չի կարող ասպիսի առանցքային հարցերում դիրքորոշում չունենալ:
Ես նույնքան հարգում եմ «Լուսավոր Հայաստանի» դիրքորոշումը պաշտպանել այս նախագիծը, որքան կհարգեի «Լուսավոր Հայաստանի» դիրքորոշումը դեմ քվեարկել այս նախագծին: Ես ոչ մի կերպ չեմ հասկանում ԲՀԿ-ի դիրքորոշումը չունենալ քաղաքական դիրքորոշում էսպիսի էական հարցում: Առնվազն: Ես կհասկանայի, եթե իրենք դեմ քվեարկեին, ոչ մի խնդիր չէի տեսնի»:
Նա ասաց, որ չի ուզում ենթադրություններ անել, թե ԲՀԿ-ն ինչու է նման որոշում կայացրել: Դիտարկմանը, որ ԲՀԿ-ն ասում է՝ իրավական հիմքեր չկան նախագծում՝ Միրզոյանն արձագանքեց. «Դե մենք կտրուկ համաձայն չենք դրա հետ, էլի»:
Կարդացեք նաև
Հռիփսիմե ՋԵԲԵՋՅԱՆ
