Բազմաթիվ հայ վարորդներ ահազանգել են, որ վրաց-հայկական սահմանին՝ Սադախլո գյուղում, վրացիները նոր կայանատեղի են ստեղծել եւ ստիպում են իրենց՝ նախ մեքենաները կայանել այդտեղ՝ վճարելով 30 լարի, եւ հետո բեռնատարների մեծ հերթեր են կուտակվել, իրենք չեն կարողանում առաջ շարժվել, հայտնում է shamshyan.com-ը։
«Վրաստանից որ գալիս ես դեպի տամոժնի, Մառնեուլին անցնում ես, հենց այդտեղ թազա ստայանկա են բացել, ոնց որ լարսի գլխին էին բացել: Մտնում ես, 30 լարի մուծում ես նոր հելնում: Երեկ երեկոյանից սկսած մինչեւ հիմա պահում են, ոչ մի տիպի չեն աշխատում, չենք էլ հասկանում: Սրանք այ էսպես ավտոմատ կիլոմետրերով հերթ են սարքել, չգիտենք երբ ենք առաջ շարժվելու»,-ասաց ահազանգած վարորդը, նշելով, որ այս պահի դրությամբ 300-ից ավել բեռնատարներ կան կանգնած, ովքեր չեն կարողանում առաջ շարժվել:
Ահազանգած վարորդի խոսքով՝ կայանատեղին մոտ 1 ամիս է, ինչ կա, սակայն կուտակումն արդեն 6 օր է:
Վարորդի խոսքով՝ ռուսական կողմում խնդիր չկա, Լարսից առաջ են շարժվել, եկել են այստեղ ու մնացել: Ահազանգած վարորդը նաեւ դժգոհեց, որ հայկական կողմից եւս ոչ ոք չի այցելել եւ որեւէ պարզաբանում չի տվել:
Կարդացեք նաև
Հոդվածն ամբողջությամբ՝ սկզբնաղբյուր կայքում:
