Երևանի պետական բժշկական համալսարանի ռեկտոր Արմեն Մուրադյանի հայցն ընդդեմ ՀՀ առողջապահության նախարար Արսեն Թորոսյանի առաջիկայում կքննվի Երևան քաղաքի ընդհանուր իրավասության դատարանում դատավոր Գրիգորի Վարդանյանի նախագահությամբ: Արմեն Մուրադյանը Արսեն Թորոսյանից պահանջում է ոչ միայն իրեն զրպարտող արտահայտությունները հերքել, այլեւ նյութական փոխհատուցում, ինչը որոշել է ուղղել վիրավոր զինվորների կենտրոնին:
Հիշեցնենք, որ նախարարը Մուրադյանին մեղադրել էր իր դեմ արշավ ուղղորդելու մեջ:
Նա ասել էր, թե Արմեն Մուրադյանն իր պաշտոնը նվեր էր ստացել նախկին իշխանություններից, եւ սարսափած է, որ այս իշխանությունների օրոք կարող է կորցնել պաշտոնը: Ըստ նախարարի՝ ժամանակին լինելով հայտնի ընտանիքների քավոր, հայտնի մարդկանց ընկեր՝աստիճանաբար կարիերայի աստիճանասանդղակով այդպես բարձրացել, հիմա բժշկական համալսարանի ռեկտոր է:
Իսկ ամեն ինչ սկսվել էր Արսեն Թորոսյանի մամուլի ասուլիսին գրանցված միջադեպից, երբ ուռուցքաբան, արյունաբան, Գևորգ Թամամյանը եկել է նախարարի ասուլիսին՝ նրան հարցեր ուղղել համար, սակայն Արսեն Թորոսյանը, նրան տեսնելով, ընդհատեց ասուլիսն ու դուրս եկավ սրահից։ Թամամյանը Արսեն Թորոսյանին մեղադրում էր պոպուլիզմի ու առողջապահության ոլորտը ձախողելու մեջ:
Կարդացեք նաև
Արփինե ՍԻՄՈՆՅԱՆ
