Ռուսաստանի ԱԳՆ-ի պաշտոնական ներկայացուցիչ Մարիա Զախարովան անդրադարձել է արտգործնախարար Սերգեյ Լավրովի՝ արցախյան հակամարտության մասին հայտարարությանը:
Հիշեցնենք, որ Սերգեյ Լավրովը «Վալդայ» ամենամյա համաժողովում ելույթի ժամանակ ասել էր՝ Արցախում ռազմական նոր լայնածավալ գործողությունների վտանգ չկա, բայց քաղաքական երկխոսությունն արգելակված է:
Հոկտեմբերի 3-ին տեղի ունեցած ճեպազրույցի ժամանակ Զախարովան պատասխանել է լրագրողի հարցին, թե Լավրովը ինչ նկատի ուներ ուղիղ շփումների, բանակցությունների անհրաժեշտության մասին խոսելիս`բանակցություններ Հայաստանի և Ադրբեջանի իշխանությունների միջև, թե Արցախի և Ադրբեջանի միջև, Զախարովան պատասխանել է. «Բանակցություններ երկու պետությունների միջև»:
«Կարծում եմ, որ ուղիղ բանակցությունները երկու պետությունների միջև կհայտարարվեն երկրների ներկայացուցիչների կողմից»,-ասել է Զախարովան:
Կարդացեք նաև
ՌԴ ԱԳՆ-ի պաշտոնական ներկայացուցիչը նաև նշել է, որ ԵԱՀԿ Մինսկի խմբի համանախագահները նախատեսում են այցելել տարածաշրջան՝ արցախյան հակամարտության հարցը քննարկելու համար, այցը համաձայնեցված է Հայաստանի և Ադրբեջանի ԱԳ նախարարների հետ, սակայն հստակ ժամկետներն առայժմ հայտնի չեն:
Պատրաստեց՝ ՎԻԿՏՈՐՅԱ ԱՆԴՐԵԱՍՅԱՆ
