Այսօր կառավարության նիստից հետո տնտեսական մրցակցության պաշտպանության պետական հանձնաժողովի նախագահ Գեղամ Գեւորգյանը լրագրողների հետ ճեպազրույցում անդրադառնալով վառելիքի շուկային, ասաց, որ արդեն 3 ամիս է՝ ուսումնասիրություններ են կատարում տվյալ շուկայում, տվյալները հավաքագրում են. «2 շուկա առանձնացնենք՝ մեծածախ վաճառքը, որը ներկրող է եւ մանրածախը, որտեղ խնդիրները փոքր են: Անզեն աչքով էլ կարող եք տեսնել, որ օրենքի շատ պահանջներ այսօր բենզալցակայանները չեն պահպանում: Մենք միայն մրցակցային հարցերին ենք անդրադառնում: Որպեսզի տնտեսությունում անցնցում փոփոխություններ իրականացնենք, հիմա վերջնական վերլուծություն ենք անում»:
Ինչ վերաբերում է բենզինի գների նվազեցմանը, ապա Գեւորգյանն ասաց, որ դա շուկայական փոփոխությունների արդյունք է, հանձնաժողովն ուղիղ որեւէ միջամտություն չի կատարում: Գեւորգյանի խոսքով՝ բենզինի գները կախված են միջազգային գներից եւ տրանսպորտային ծախսերից: Հիմնական ներմուծումը ՌԴ-ից է, եւ ինչպես նշեց Գեւորգյանը, ՌԴ-ում մաքսատուրքից ազատված որոշակի քվոտավորված բենզին ենք ներկրում եւ բաշխում 3 ընկերությունների. «Հայաստանի եւ Ռուսաստանի միջեւ համաձայնագրով Ռուսաստանը մատակարարում է 150 հազար տոննա բենզին հարկերից ազատված գներով: Այդ ծավալը բաշխվում է հայկական 3 հիմնական ներմուծողների միջեւ: Շուկայում, օրինակ՝ Իրանից կամ այլ երկրներից վառելիքի հայտնվելու դեպքում կզգացվի նաեւ գնային տարբերությունը»:
Մանրամասն՝ տեսանյութում
Կարդացեք նաև
Արդյոք կա՞ն վրացական կողմում կան խոչընդոտներ ՀՀ բենզին ներկրելու շուկայում, այս հարցին ի պատասխան Գեւորգյանն ասաց, որ չի կարող որեւէ տվյալ հրապարակել:
Մանրամասն՝ տեսանյութում
«Բնական գազի շուկայում նոր տեղեկատվություն չենք կարող տրամադրել, որովհետեւ դեռեւս շարունակվում է ուսումնասիրությունը, հանձնաժողովը մասնագիտական կարողությունների խնդիր ունի, ներգրավվում ենք տարբեր մասնագետների, որպեսզի հասկանանք, դե մի աղբյուրից է գալիս բնական գազը, ոնց է մի մարզում մի գին, մյուսում՝ այլ»,-ասաց Գեւորգյանը:
Նելլի ԲԱԲԱՅԱՆ
