«Աէրոֆլոտ» ավիաընկերության գլխավոր տնօրենի տեղակալ Վլադիմիր Ալեքսանդրովը մեղադրվում է 250 միլիոն ռուբլի յուրացնելու մեջ, Մոսկվայի Բասմաննի դատարանը բավարարել է միջնորդությունը և Ալեքսանդրովին կալանավորելու որոշում է կայացրել: Դատարանի վճռի համաձայն՝ Ալեքսանդրովը կալանքի տակ կմնա մինչև նոյեմբերի 30-ը: Այս մասին հաղորդում է RIA Novosti-ն:
Հետաքննության տվյալներով՝ «Աէրոֆլոտ»-ի գլխավոր տնօրենի տեղակալը 2016-2017թթ. 250 միլիոն ռուբլի է փոխանցել իրավաբանական ծառայությունների համար, որից հետո այդ միջոցները յուրացվել են: Ավիաընկերության գործընկեր է դարձել իրավաբանական մի ընկերություն, որի իրավաբաններին մեկ ժամվա համար վճարել են 350 եվրո՝ չկատարված աշխատանքի համար:
Ինչպես հաղորդում է bfm.ru կայքը, Ալեքսանդրովը ծագումով հայ է, նախկինում կրել է Արմեն Աբալյան անուն, ազգանունը, բայց 2004թ. անվանափոխ է եղել: Տեղեկատվության համաձայն՝ Ալեքսանդրովը և նրա մայրը՝ Անահիտ Ավանեսյանը 2000թ. բնակության վայրի վերաբերյալ կեղծ տվյալներ են ներկայացրել Ռուսաստանի քաղաքացիություն ստանալու համար, ինչի մասին հայտնի է դարձել միայն 2019թ. մարտի 29-ին:
Կարդացեք նաև
Պատրաստեց՝ Վիկտորյա ԱՆԴՐԵԱՍՅԱՆԸ
