ՍԴ նախագահ Հրայր Թովմասյանը չի գալու ԱԺ եւ չի մասնակցելու իր լիազորությունները դադարեցնելու հարցին քննարկմանը: Նա նշել է, որ քաղաքական է գործընթացը, ոչ թե իրավական: Այս առնչությամբ այսօր լրագրողների հետ զրույցում «Իմ քայլը» խմբակցության ղեկավար Լիլիթ Մակունցն ասաց. «Պարոն Թովմասյանի իրավունքն է ներկա գտնվել կամ չգտնվել: Եթե որոշել է ներկա չգտնվել, ապա որեւէ առարկություն այդ առումով լինել չի կարող: Ինչ վերաբերում է բուն նախագծի հետ կապված պարոն Թովմասյանի հայտարարություններին, նա նշել էր՝ քանի որ ընթացակարգը իրավական է, նա զերծ կմնա այդ տիրույթում որեւէ հայտարարություն անելուց եւ այնուհետեւ, չգիտես ինչու, տեղափոխվում է քաղաքական դաշտ»:
Մնացած մեկնաբանությունները՝ դատարանները շրջափակելու, Վահե Գրիգորյանի հետ կապված, ըստ Մակունցի, Հրայր Թովմասյանի սուբյեկտիվ կարծիքն են:
Հռիփսիմե ՋԵԲԵՋՅԱՆ
