Այսօր կառավարության նիստում «Դեղերի մասին» օրենքում փոփոխություններ կատարելու մասին նախագծի քննարկման ժամանակ վարչապետը դիտողություն արեց կառավարության անդամներին:
Այս քննարկման ժամանակ կառավարության անդամները տարբեր կարծիքներ հնչեցրին դեղերի փորձագիտական կենտրոնի բյուջեի մասին:
Փաշինյանն ասաց՝ պետական հիմնարկը չպետք է բիզնեսով զբաղվի:
Հետո փոխվարչապետ Տիգրան Ավինյանի դիտարկումներին ի պատասխան` Փաշինյանն ասաց. «Խոսքը առողջապահական խնդրի մասին չէ, խոսքը կառավարման մասին է: Ես համաձայն չեմ, որ մենք նստեն, տարբեր խորհրդակցություններում կայացնենք որոշումներ, հետո նախարարը գնա ասի՝ հա, դե լավ, խոսեցինք, անցավ-գնաց: Չկա տենց բան: Էն ինչ որ խոսացվել է, որոշվել է, պետք է սկզբունքները ճշգրիտ պահպանվեն: Ի՞նչ է ստացվում՝ վարչապետը հայտարարություններ է անում, որ մենք հաջորդ տարի սենց խնդիր ենք լուծելու, հետո պարզվում է, որ բյուջեի նախագծում ներառված չի։ Այ քեզ բան, սա հո՞ ստեղծագործական, ինքնագործունեության խմբակ չի։ Ամեն մի գերատեսչություն չի կարող կառավարման իր ոճն ունենալ, որովհետեւ կառավարման ոճը հենց կառավարությանն է»:
Կարդացեք նաև
Նելլի ԲԱԲԱՅԱՆ
