«Միջազգային տնտեսության անկայունությունը հաշվի առնելով՝ առաջիկայում պետք է ուշադրություն դարձնել այն խնդիրներին, որոնք հետեւանքներ կարող են ունենալ: Աշխարհում տնտեսական աճի տեմպի անկումը հատկապես մեր հիմնական առեւտրային գործընկերներ ԵՄ-ի եւ Չինաստանի պարագայում կարող է անցանկալի հետեւանքներ ունենալ մեզ համար»,-Երեւանում այսօր ընթացող Եվրասիական տնտեսական բարձրագույն խորհրդի նիստում հայտարարեց ԵՏՄ անդամ Ղազախստանի նախագահ Կասիմ-Ժոմարտ Տոկաեւը:
Նրա խոսքով. «Ընթացիկ տարում արդեն իսկ ականատես ենք առեւտրաշրջանառության ծավալների կրճատմանը: Առաջին կիսամյակի տվյալներով՝ ԵՏՄ-երրորդ երկրներ առեւտրաշրջանառությունը կրճատվել է 2, իսկ անդամ երկրների առեւտրաշրջանառությունը՝ 5%-ով: 28 միլիարդ դոլարի մասին է խոսքը: Համաձայնեք, որ բարենպաստ ցուցանիշ չէ: Մեզ անհանգստացնում է նաեւ դեպի ԵՏՄ երկրներ ղազախական արտադրանքի արտահանման ծավալի կրճատումը»:
Լուիզա ՍՈՒՔԻԱՍՅԱՆ
