«Հայփոստը» որոշվել է մասնավորեցման գործընթացից հանել:
Այսօր ԱԺ-ում լրագրողների հետ զրույցում Պետգույքի կառավարման կոմիտեի նախագահ Նարեկ Բաբայանը հարցին, թե ինչո՞ւ որոշվեց պետությանը թողնել, Էդուարդո Էռնեկյանի (լուսանկարում) կառավարման օրոք «Հայփոստում» խնդիրնե՞ր կային՝ պատասխանեց. «Խնդիրների մասին բան չեմ կարող ասել: Մասնավորեցման ցանկից հանելը կամ չհանելը որեւէ կերպ չի առնչվում կոնկրետ Էդուարդո Էռնեկյանին եւ կամ ներկայիս կառավարիչներին: Բանն այն է, որ նպատակահարմար է գտնվել պահպանել փաթեթը պետության ձեռքում եւ իրականացնել հետագայում նոր մրցույթ, որին ենթադրաբար կմասնակցեն ներկայիս կառավարիչները եւ ցանկության դեպքում միգուցե այլ օպերատորներ, բայց նոր նախապայմաններով կառավարիչին կհանձնվի: Դրա համար անհրաժեշտ է հանել մասնավորեցման ցանկից»:
«Հայփոստի» ներկայիս կառավարչի հետ կնքած պայմանագրի ժամկետն ավարտվել է եւ երկարաձգվել է եւս մեկ տարով, որպեսզի այս գործընթացները կազմակերպեն:
Կարդացեք նաև
Հռիփսիմե ՋԵԲԵՋՅԱՆ
