System of a Down աշխարհահռչակ ռոք խումբը 2020 թվականին նախատեսված եվրոպական շրջագայությունից ստացված հասույթն ուղղելու է «Իմ քայլը» բարեգործական հիմնադրամին: Այս մասին ասվում է ռոք խմբի ֆեյսբուքյան էջում հրապարակված հաղորդագրության մեջ:
«Ուրախ ենք տեղեկացնել, որ 2020 թվականին սպասվող եվրոպական շրջագայության ժամկետները հայտնի են: Հոկտեմբերի 4-ին՝ ժամը 10:00-ին, սկսվում է տոմսերի վաճառքը, որն իր մեջ ներառում է նաեւ VIP փաթեթներ: Հասույթն ուղղվելու է «Իմ քայլը» ոչ կոմերցիոն բարեգործական հիմնադրամին, որն իրականացնում է ծրագրեր Հայաստանի տարածքում՝ կրթության, առողջապահության, սոցիալական ապահովության և բնապահպանության և մի շարք այլ ոլորտներում: Մանրամասների համար այցելեք systemofadown.com պաշտոնական կայք»,- ասված է հայտարարության մեջ:
Պատրաստեց՝ Վիկտորյա ԱՆԴՐԵԱՍՅԱՆԸ
https://www.facebook.com/systemofadown/photos/a.196437329031/10156984521724032/?type=3&theater
Կարդացեք նաև
