Վլադիմիր Պուտինը որոշել է մինչև 2024թ. վերականգնել Խորհրդային Միությունը և նախատեսում է միավորել Հայաստանը, Վրաստանը, Մոլդովան և Բելառուսը, ինչպես նաև Ուկրաինայի հիմնական մասը: Այս մասին տեսաուղերձում հայտարարել է Վրաստանի նախկին նախագահ Միխեիլ Սաակաշվիլին:
«Սա նրա ծրագիրն է: Այս փուլում ծրագրի մաս է կազմում ստիպել այդ երկրներին չեզոքություն հռչակել և թուլացնել քաղաքական առաջնորդներին»,-ասել է Սաակաշվիլին:
Նա նաև նշել է, որ Վրաստանի պետականության դեմ մեծ դավադրություն կա: «Ես ձեզ կասեմ՝ ինչ է տեղի ունենում Վրաստանի շուրջը: Առաջին հերթին, Վրաստանի կառավարությունը բանակցություններ է վարում Ռուսաստանի ղեկավարության հետ Վրաստանի չեզոք կարգավիճակի շուրջ: Նրանք ցանկանում են, որ հայտարարեն, որ Վրաստանը երբեք չի ներառվի ՆԱՏՕ-ի և Եվրամիության կազմում»,- հավելել է նա:
Պատրաստեց՝ Վիկտորյա ԱՆԴՐԵԱՍՅԱՆԸ
Կարդացեք նաև
