The Beatles աշխարհահռչակ խումբը Ջորջ Հարիսոնի Here Comes The Sun երգի հիման վրա նոր տեսահոլովակ Է ներկայացրել՝ Abbey Road ալբոմի 50-ամյակի առթիվ: Տեսահոլովակը հասանելի է Youtube-ում:
Խումբը հոբելյանի առթիվ ալբոմը վերաթողարկել է սեպտեմբերի 27-ին՝ նոր մշակմամբ, որի վրա աշխատել են Ջորջ Մարտինի որդին՝ Ջայլզ Մարտինը, հնչյունային ռեժիսոր Սեմ Օքելը:
The Beatles-ի Abbey Road ալբոմը թողարկվել է 1969 թվականին՝ դառնալով խմբի վերջին ստուդիական ձայնագրությունը: Փողոցը անցնող չորս երաժիշտների լուսանկարը դարձել է ձայնասկավառակների ամենահայտնի շապիկներից մեկը:
Պատրաստեց՝ Վիկտորյա ԱՆԴՐԵԱՍՅԱՆԸ
